[وك وك]

أسئلة ما بتسمعها إلا من أهلك بالأردن





نايم بغرفتك على السرير ومطفي الضو ومتلحف بالبطانية



بيجي واحد من أهلك ويفتح الباب عليك ويقول : إنتا نايم ؟؟




لا .. برقص على وحده ونص ..


______________________




معزومين عند قرايبكم ورحتوا لبيتهم وأول ما فتحولكم الباب قال إبنهم



إنتوا جيتــوا ؟؟




لا .. لسه في الطريق بنستنى بكب يعتلنا ...آه إجينا إنت شو شايف ؟؟



___________________________________ _____




لابس بدلة ومتعطر و متهندم وماخذ مفاتيح السيارة و المحفظة ورايح



لباب البيت



بيجي واحد من أهلك وبسألك : شو إنتا طالع محل إشي ؟؟





لا .. شوفت عينك طالع على السطح أصلح خزان الميه.. أكيد مقلوع وطالع...



___________________________________




ماسك موبايلك و قاعد بترن على حدا



بيجي واحد من أهلك وبسألك : بدّك



تحكي تلفون ؟؟




لأ مفكر أنقعه بالمي وأشرب ميته.. أكيد بدّي أحكي بالخـ............



___________________________________ ______




قاعد بتحمم بالبانيو ومبسوط وصوت الدش والمي طالع لبرا



بيجي واحد من أهلك وبسألك من ورا الباب : إيش بتسوي ؟ بتحمم ؟؟




لا .. والله بغيّر زيت للسيارة .!



___________________________________ _____



ماسك كتاب و قاعد تقرا فيه



بيجي واحد من أهلك وبسألك : إيش بتسوي ؟ بتقرا كتاب ؟؟




لا .. بسلّك بالمجاري ,,,شكلو بس داخل نايم جوا... وقلت فرصة أحكيله حكاية بلكي طلع!!!!!!!!!:




___________________________________ _______




مذيع تلفزيوني بسألك ليلة العيد في مقابلة في نص الشارع :



إيش بتسوي يوم العيد ؟ أكيد بتروح تسلّم على أهلك و تعيّد عليهم ....




لا .. بروح بطرشهم بالصرماي وبسوّي معهم طوشة للسما وبقلهم العيد التغى السنة .!








_________________




نفس المذيع بشوف ولد بالشارع وبساله؟





حبيبي بتحب بابا وماما؟!!





لا مابحبهم , بحب البوسنة والهرسك ... شو رأي اهلك بالموضوع؟؟؟؟