[εïз ملآكـ εïз]

س 1 / عبري عن " ذاتكِ " بـ خمس كلماتٍ فقط ..؟!


مرحهـ .. هبولهـ ع الآخر .. مجنونهـ .. بهتم بالنــآس .. عــآطفيهـ من الآخر


س 2 / .. أيهما الأقرب لطبيعتكِ " الهدوء / الصمتْ / القوَه / غير ذلك " .. ؟!


مممم القوهـ


إن كان جوابكِ غير ذلك يُرجى كتابته



س 3 / .. هل أنتِ واثقة من ذوقكِ .. ؟!


اغلبـ الوقتـ اي ..



س 4 / .. ما رأيكِ بهذه العبارات ..



(أ ) .. حلاة البنت شعرها .. ؟! : )


فعلآ .. الشعر بخلي البشعهـ تبين مقبولة .. و الحلوهـ تبين بتجنن فعلآ بعمل فرق .. و كل بنت بلبقلهــآ نوع شعر محدد .. يعني مو ضروري يكون نااعم و مفرود .. اوقات المموج او المنفوش شوي بجنن بكون على صاحبتو ..


( ب ) .. كُل فتاةِ بأبيها مُعجبه .. ؟!


اووفكوورس



( ج ) .. نصف الرجل مرأه .. ؟!


ما بدهــآ ســؤآلـ


س 5 / .. أعطي نفسكِ " نسبه من 100 " لكلِ منْ ..

النعومه / الذوق / الفضول / الخجل / الهدوء / الرومانسيه/ العاطفه / ..؟!

78 % / 88 % / 99% / 70% / 50% / 97% / 100 %



س 6 / .. خمس عبارات توجهينها لـِ " إنـاث " المنتدى .

من هنّ وماتلكَ العبارات .. ؟!


مــآ فيني حدد بس عــآمهـ مر علي نماذج و امثلهـ روعهـ لبنــآتـ بلدنــآ و غير بلدنــآ ,, الله يوفقكم و يحميكم و يحققلكم يلي ببالكم ,, بتستحقوا كل خير بدون استثنــآء ^^ ..


س 7 / .. بكلمتان صفي الوضع العام لـ " إناث المنتدى " ؟!



متقــآربــآتـ من بعض وودودآتـ جدآ مع الجميع .. بعطوا الوآحد فرصهـ يحس انو مو غريبـ ..



س 8/ .. لونكِ المٌفضل .. ؟!



اسود , بينكـ بدرجــآتو , ازرق , احمر



س 9 / أيهما تفضلين عطرآ برائحة " الورد / الفواكه / البخور و العود " ؟!



البخور و العـــ}ؤد ..



س 10/ هل تُجيدين الطبخْ .. ؟!



تؤ ههههههههه .. يعني تطورتـ عن قبلـ كتر الله خيري ..



س 11 / .. جميعنا معشر الإناث تحدث لنا " مواقف مُضحكه"..


اذكري لناآ موقف من هذه المواقف ..؟!



هع .. يمكن اكتر موقف عــآلق بذآكرتي و بكل يلي بعرفو موقف وقت ما علقتـ بالعــآمود



كــآنت بدآيهـ اخر حصهـ .. و لآ معلمهـ كانت بحصتها لسهـ فالبنــآتـ متل الغنم كلهم برآ الصفوف ..

في عمدآن كبيرة كتير بتوصل من السقف للارضيهـ و كانت هالعمدآنـ قريبهـ من الحيط مافي بينها الا مسافة بسيطهـ جدا


انا كنت بستهبل و قاعدة بودع بصحبيتي حبيبتي و بتمنالها حصة ممتعهـ ..

قمت دخلتـ رآسي بين العمود و الحيط و بعملها بيباي ..

رآحتـ صحبيتي جربت تدخل بين الحيط و العمود و تعدي فما قدرت .. قالتلي ييه صرتـ دبهـ قبل كنت اقدر امر

قلتلها انا بدي اجرب انا .. بفكر حالي اسم الله علي رشيقة

حاولت ادخل ما قدرت قلت خلص اتقبل الواقع رحت رجعت دخلت راسي وودعت صحبيتي ..

لكن للاسف تماديت كتير و مديت راسي اكتر ..

فتزحلقت حضرت جنابي ووقعت بين العمود و الحيط بشكل افقي ..

و علقت !!

و ما قدرت اقوم !!

منبطحة كنت ديروا بالكم هههههههههههههه

و اصرخ انا و احكي لصحباتي ساعدوني بفكروني بمزح قعدوا يضحكوا

لحتي بدات ادمع ووجهي صار اصفر ههههههههه قاموا سدقوني

نادوا كل المعلمات و كل البنات تجمعوا حوالي

الكل كان خايف على عضام خصري لانهم الي معلقين و مضغوط عليهم

و يصرخوا المعمات ع البنات فوتوا ع صفوفكم بس البنات مش قادرين يقاموا بدهم يشوفوا مو كلـ يوم هالشي بصير

و الكل يبتكر افكار ليطلعني

و انا ابكي هههههههههههه

طبعا كل شوي يزيد عدد البنات اجوا بنات من سادس و سابع و كلو ليتفرجوا علي انتشر الخبر

بعد تفكير عميق قرروا المعلمات يرفعوني بشكل افقي من راسي و بنفس الوقت من رجلي

بعدين يقلبوني لاطلع و نفعت الطريقهـ

بعد ما طلعت اجت معلمتي التاريخ حضنتي بعدين ضربتني كف ع عملتي ههههههههههه

صحباتي ماتوا بكي علي خافوا اموت

انا دخلت الحصة السابعة ضليت ساااااكتة و منزلهـ رآسي

استدعوني الادارة بنص الحصة و بهدلوني

قالولي توقعنا كللل شي منكـ الا هالحركة هههههههههههه

اخ بس روحت ع البيت و انا بببببببكي و صحباتي يهدوا فيني

ما خبرت ولا حدا من اهلي وما حدا بعرف الا كل المدرسهـ

اليوم التاني كل شوي ييجوا بنات غربا ما بعرف مين هما يسلموا علي و يقولولي الحمد لله ع السلامة

اقلهم مين انتو يقولوا سمعنا عنك و عن علقتك بالعامود ..

و صار لقبي للي ما بعرف شو اسمي عــآمود



س 12 / أكملي الفراغات : )




( أ ) أنا " ..... " أحب " ..... " وَ أكره " ...... "



صعب هالسؤآلـ من اي جهـ يعني .. من جهـ النــآس .. و لآ الاكلآتـ .. ولآشو بالزبط ..؟



(ب) لو كان الأمر بيدي لـ " ....... "


انتشر العدلـ .. عم السلآم .. و كلـ مجرم خبيث و كان سبب بالفتن و الحروبـ و الدمــآر تعــآقبـ ..




(ج ) قالوا " ...... " وَ قلتْ " ....... "



الحب للحبيب الاولـ / و انــآ بقولـ غلط هههههههههه .. لآ بجد ما بوآفق هالمقولهـ الحب للانســآنـ يلي ترك اكبر اثر بحيــآتكـ و خلآكي تكتشفي اشيــآء و جوآنبـ من شخصيتكـ ما كنتي بتعرفيهــآ ..



(د) يحدثٌ أحيانآ .. " ......... "


اي دونت نوو


( هـ ) لا شيء يستحق الـ " ...... "


القهر و خيبهـ الاملـ .. و انــآ بقصد تحديدا وقت ما تعمل كل مجهودك بالدرآسهـ .. لكن تحقق نتــآئج اقلـ مما توقعتهــآ بحيث ما بتتناسب مع مقدآر مجهودكـ .. فانا بحكي مافي دآعي للزعل و القهر عملت الي عليك و هـآد يلي صــآر ..



( و ) أكتفيتُ منَ .. " ...... "


صغر عقلـ بعض النــآس و تفــآهتهم ..



س 13 / كوني شُجاعه وقدّمي إعتذار علني فلمن تعتذرين ؟!



ما بتتصوروا اديش خطر ع بــآلي نــآس .. بس بفضلـ خلي هالموضوع بالقلبـ .. و فعلآ انا اسفهـ ..

لكن ازا لشخص بالمنتدى فانا بقدم اعتذآري لنانا .. لانو بطلتـ متلـ قبل مسؤولهـ عن قسمي و نشيطهـ .. فبقدم اعتزآري



س 14/ بطاقتكِ الشخصيه ؟!



اسمي مرآم محمد العبــآدلهـ

عمري 16 بس بعتبر حــآلي 17 لانو 2010

من غزهـ خــآنيونس ..

اخر العنقود بعيلهـ بتتكون من بنت كبيرة و تلآتـ شباب بعدين انا ..

مولودهـ و عــآيشهـ كل حيــآتي بالامآرآتـ تحديدا مدينهـ العينـ ..

الي طموحــآتـ كتيرهـ بس عــآرفهـ و لآ وحدهـ رح تتحقق




س 15/ كلمه أخيرهـ تودين قولها لنا ؟!


مرسي عالاستضــآفهـ يــآ حلويينـ