[دمووع الورد]

عنجد شو هالأب القاسي!!!
هادا ابنو من لحمو و دمو بيعمل فيه هيك
معقول في ناس لهدرجة قلبهم قاسي وماعندهم رحمة
يعني الشب دخل السجن و طلع ندمان وصلح حالو وكل هادا مانفع

وهل للأب حق بما فعله بابنه

لا اكيد ما الو حق لانو الحق على الاب نفسو لانو ما اهتم بابنو من البداية وماكان في صداقة
بينو و بينو و مافهم ابنو الصح من الغلط و هادا الي وقع الشب بهيك مشاكل لانو ما لقى الحنان
و السند من الاب .. يعني المفروض الاب جلس مع نفسو وفكر منيح و شاف هو شو عمل
عشان ابنو صار هيك ... فهادا معناه انو قلبو و قلبو قاسيين كتير و افتراء كبير واكتر شي
كمان انو بيدرس شريعة يعني المفروض ما يكون هيك
وهل للابن حق في الخطوبة والزواج بعيدا عن والده وهل له الحق في أن يرفض شروط أبيه

هي صعبة كتير انو يخطب وبتجوز بعيد عن اهلو و والدو بس الظروف هي الي خلتو يلجئ لهادا
الشي و يدور على الحنان الي ما لقاه في بيت اهلو .. فالشب معذور لانو استمر مدة بعد السجن
ومع هيك ابوه ما رضي عنو ولا قبل يسامحو .. فاضطر الشب انو يبدأ حياة جديدة وصفحة بيضة
وهو عمل صح لانو ما كان في ايدو شي غير انو يغير حياتو ومايضل قاعد حزين ونفسيتو مدمرة

وما هلي الحلول المناسبة برأيكم

برأيي انو الشب يضل يحاول يطلب السماح من ابوه لانو اهم شي رضا الوالدين
وان شاء الله بيرضى مع الايام .. لانو مهما كانت قساوة قلب الانسان الا مايحن يوم
وبكرة لما يشوف احفادو و اول احفاد بكونو الو بيحن " ما اغلى من الولد الا ولد الولد"
ويحاول يستحمل وان شاء الله الله بعينو و بيهدي والدو و بخليه يفكر بطريقة ايجابية اكتر
الله يكون بعونو الشب "قل لن يصيبنا إلا ما كتب الله لنا هو مولانا وعلى الله فليتوكل المؤمنون "
اتمنى اني اكون قدمت عالاقل افادة صغيرة
كان الله بعون الشب والله يفرجها عليه يارب
يعطيك العافية اخي قسامي
جزاك الله كل خير