[Arabian girl]

اهلا وسهلا فيك...ضيفي العزيز..وعلى بركة الله نبدأ...
اهلا فيكي

* من متى انت عنا هون؟؟؟
صرلي اكتر من سنة ونص هون
يعني تاريخ تسجيلي 31/5/2008 وانتي احسبي

* كم نسبة رضاك عن المنتدى بشكل عام؟؟؟
صراحة المنتدى كموقع للثقافات وكادارة وكاشخاص كتير مميز بس كنشاط حاليا خف

* بتتمنى يكون لون ستايل المنتدى.........
امم صراحة لون فوشي مع نهدي بس هيك بسير بناتي فيكون بالوان علم فلسطين اكتر شي مناسب

* تقسيمة المنتدى بأفرعها محتاجة تعديل او إعادة تسمية برايك؟؟؟؟
اممم لا ما بعتقد

* صار ابل واجهت مشكلة مع مشرف أو الإدارة!!! وليش!!!
اممم مو مشكلة بس حذفولي موضوع زمان لانو كان فيو شات كتير بس كان حلو كتير الموضوع

* قرارات الإدارة بتشوفها...(تعسفية غير قابلة للنقاش/ مرنة )؟
بشوفها مرنة وعادلة
وهادا مو بس حكي لأ هاد مبني علي اللي شفتو من قرارت للادارة وانجازات

* شي بتتمنى وجودو بالمنتدى!!!
اممم ما في شي ببالي هلا

* كيف برأيك الإدارة تقدر الأعضاء وجهودهم!!!1
الاعضاء النشيطين بشكل ايجابي بشوف انهم بلاقو تقدير اكتر ولما يصير متلا مسابقات او شي او بتكون الادارة بحاجة لحدا من الاعضاء بشي معين بكونو همو الخيار الاول وغير هيك بالمسابقات والاوسمة ..الخ

* أفضل قسم عندك؟؟
صراحة اول ما دخلت المنتدى كنت بحب قسم النقاش كتير ولهلا بحبو وبحب قسم جولة حول العالم وقسم الصور والنواعم ^^

* بس تفوت المنتدى شو بلفت نظرك أكتر(العنوان /كاتب الموضوع)؟
العنوان

* أبيض x أسود:

- نقطتين بتميز فيها المنتدى وعاجبينك: (الأبيض) :1) الثروة المعرفية اللي في 2) الوعي اللي بيمتلكو معظم الاعضاء
- نقطتين ..مش عاجبينك ومتدايئ منهم :(أسود)1) الكسل الحالي (ما لقيت غيرها )

* معك وردتين:
الأولى...مشرف أو مشرفة...وليش!!
بلو جيرل: ما بعرف اجت ع بالي هلا بس جد هادي المشرفة مميزة وكان الها جوها الخاص ومعطية جو للمنتدى

التانية...لعضو أو عضوة....وليش!!!
انتي لانك برضو عم تعطي للمنتدى جو حلو وبتحاولي تخليه نشيط اكتر

* هل سبق مرة وفتت تفاجأت بموضوع معين وأسعدك أو دايئك!!!وشوكان؟؟وليش!!!
امم اتفاجأت لما طلعت عضوة شب (هيناتا)
ما كنت متوقعه

* هل صار وموضوع قرأتو هون غيرك أو ترك في نفسك أثر!!!
امم كل موضوع قيم بالمنتدى بترك اثر بالواحد بس مو شرط يتحول لفعل
بس في مواضيع كانت تخليني ابكي

* تغير شي من شخصيتك من وئت فت المنتدى!!!
امم ما بعتقد بس يمكن صار عندي وعي سياسي اكتر

* اعطي لنفسك كعضو تقييم من %

سوري هادي مهمتكم مو مهمتي
* بتشوف انو الادارة بتاخد اقتراحتنا على محمل الجد!!!
اها وبتنفذها ع ارض الواقع ازا كان في مجال
* حسيت مرة انو بدك تترك المنتدى!!!وليش!!!
اها بتزكر انو كنت بدي اترك المنتدى لانو كان في عضوة بتدايقني بس بعدين غيرت رايي وحاولت اغير العلاقة معها للاحسن وهي الله يسهل عليها هلا مو موجودة

* كلمة صغيرة منك ...لملك!!!
ملك : بشكرك كتير ع المجهود اللي عم تعملي بالمنتدى طبعا بصفتي عضوة بهالمنتدى
وبتمنى تستمري بنشاطك و بما انك مبدعه بتمنى تعملي شوية ابداع بكل مقسم ما حدا بيدخل عليه كتير
وخصوصا اول اقسام :)

* ابل مانودعك...بدنا سر صغير ....اول مرة تعلن عنو هون بالمنتدى بخصك....
ههههه اوك ححكيلكم عمري لاول مرة بالمنتدى
عمري 16 وحصير 17 ب 17 /1
يعني بعتقد بعد 7 ايام

كان من دواعي سروري اني اكون معكم بهاللقاء
يعطيكي الف عافية ملوكة