[.:.!دموع الرحيل!.:.]

المشاركة الأصلية كتبت بواسطة نور الهدى السلام عليكم

في اشياء يا اجمل احساس بدنا نحصل عليها .. و ربنا مش معطينا اياها لانه عارف انه شر النا

و عسى ان تحبوا شيئا و هو شر لكم

و في اشياء بتصير معنا بتأذينا لكن هاد ابتلاء من الله سبحانه و تعالى .. و على قدر ايمان المؤمن تأتي الابتلائات :)

زمان كانوا السلف الصالح ازا ما ابتلاهم ربنا بشيء يخافوا .. لانه الله اذا احب قوما ابتلاهم .. و ازا ما ابتلاهم يمكن هالشي يكون استدراج من الله سبحانه و تعالى

سلمي بهيك .. و اصبري و صدقيني رح تحسي بلذة غير طبيعية

صدقيني اختي بعرف انه صعب .. و خصوصا لما بتحسي حالك وحيدة و ما حدا معك لتحكيله و تشكيله و تثقي فيه

لكن معك حدا بيسمعلك متى ما بدك .. بيحميكي و بده مصلحتك و ما رح يخيبك ابدا ولا رح يتخلى عنك

هو الله تعالى ..

ازا صليتي و ما استشعرتي قربه مش رح تنفعك هاي الصلاة .. و ازا دعيتي من غير ما تتوجهي اله بكل قلبك و جوارحك كمان مش رح تحسي بطعم هادا الدعاء

خديها مني نصيحة و والله مجرباها .. و نفعت معي في احلك الظروف

ازا ادايقتي توجهي لربنا .. احكي معه بدعائك زي ما بتحكي مع شخص انتي واثقة فيه و قريب جدا منك

اشكيله همومك و اطلبي منه العون و السداد .. قومي بالليل و اعيله والله دعاء آخر الليل عجيب .. والله و حتى و ان ما استجيب دعائك عاجلا .. رح يستجاب آجلا او تتعوضي باحسن مما كنتي بتطلبي :)

ثقي انه ربنا مش بعيد عن حدا .. و هو الرؤوف الرحيم

و ازا اشتد الضيق .. فمعناته انه الفرج قريب .. قريب جدا :)

//

حبيبتي ربنا يكون بعونك و سندك

و ان شاء الله بكون ساعدتك ولو بالقليل

100%


بدون ما أزيد شي على كلام نور

غير انه الله يفرج عنك يا رب ..

وعنا جميعا ..

انتي حاولي تريحي حالك ، وتعملي بنصيحة الغالية نور