[.. ليآل ~]

[ حورية فلسطين & وردة الأقصى & ليمـــآر & أميرة & دمعة أسى & ماهينــآز & أمـــل ]



بالدور حبيباتي ،، ولاتتخانئوا ،، والطويلة ورى والئصيرة ئدام






حورية فلسطين

هادي البنت بالزات لله في لله مابحبها

دمها تئيل ودبه وطمبيئه

والعكس صحيح

بمووت عليها

من ائرب الناس بالمنتدى الي

بتحس فيني بدون ما احكي

لما بنحكي مع بعض على الإيميل وتسألني كيفك !

من ردي بتعرف ازا انا منيحه او مدايئه

وبتضل وراي لتعرف كل شي

بحبها كتير وبحب اشكيلها ،، بحسها بتفهمني

طيوبه واجتماعيه وبتساعد الأعضاء انهم يتعودوا على المنتدى بعفويتها وتلقائيتها

احلى شي لما اتئابلنا انا وياها بالأندلس مول

كان يوم حلو وغريب

وكنا كتير خجلانين ومتلبكين ومش عارفين نحكي

حتى نسيت اعطيها الهديه الي جبتلها ياها وهي نفس الشي

هي بتعرف ئديش بحبها بدون ما احكي

الله يخليلي ياكي يا اطيب ئلب

وما انحرم منك

وعلى انك اطولهم بس حكيت عنك اول شي مشان هيبتك





وردة الأقصى

تاني أحلى مجدلوية من بعدي طبعاً

اكتر شي ملفت للنظر فيها شخصيتها الئويه وثقتها بحالها

وخفه دمها وطيبتها

بنبسط كتير بس تكون هي وحرحر بمحادثه وحده

بتكون كلها ضحك × بضحك

طيوبه وئلبها كبير

ووبحسها راكزه بنفس الوئت وبيعتمد عليها

يخليلي الحلو يارب

وما انحرم منو ابداً





ليمـــــآر

شو احكي عنها ليمورتي

عطول كانو يحكولي انتي وليمار نسخه من بعض

لحد ما شوئوني اعرفها

وبالفعل ،، من اول يوم حكيت معها فيها ارتحتلها وفتحتلها ئلبي

وحسيتها عن جد بتفهمني

احيانا كتير بحسها بتفكر متلي

ليمار طيوبه وئلبها كتير كبير

ورومانسيه وحساسه

وغير هيك دمها خفيف ولزيزة

بحبها كتير ومشتائه الها كتير

صارلي زمان كتير مش حاكيه معها

ومش عارفه بعد كم سنة ضوئيه ناويه تفتح ايميلها !

الله يسعدها ويعطيها الي ببالها يارب

ويخليها لئلب للوش





أمـــل

اليوم أموله ئالت انو اليوم بصير الها سنه بالمنتدى

سنه روعه يا اموله بوجودك

وان شاء الله طول العمر هون ياغاليه

من اروع الأعضاء انتي

بنت ذكيه ومثقفه ودمها خفيف

وبتطرح رأيها بإسلوب مميز وبينم عن ثقافه عاليه

الي بيثير الغرابه

انو اموله كانت راكزه وعائله مافي منها

فجأه صارت حدا تاني

حدا مهضوم ودمو عثل ثكر

عطول بتحكيلي اني بزكرها بعيون الوجد

هالشي بيبسطني كتير

اموله بتعرفي ئديش بحبك ولا اعبر عن مشاعري ؟؟

حاسستك بتعرفي انو بحبك وبموت فيكي وانو رئمك صار عندي من هداك اليوم

ما انحرم يارب




ماهينــآز

متل ماحوريه وندوش توائم

كمان ماهيناز وامل توائم

ماهيناز شخصيه مميزة كتير

حبابه وطيوبه كتير

وبتعطي بدون حساب او مقابل

وبتحكم عئلها اكتر من ئلبها

هالشي رائع فيها

وكاتاباتها فوئ الروعه

عندها اسلوب احترافي بيوصل المعنى بسلاسه

اصيله وصاحبه واجب وعندها انتماء رائع لهالمكان

الله مايحرمني منها ولامن حنيتها علي

بحبك مهموهتي

وان شاء الله بنضل رفئات عطول





دمعة أسى

عفويه وتلقائيه كتير هالبنت

بحس انو بئلبها على رآس لسانها

ومع هيك بتكتم كتير

مسميه حالها دمعه اسى بس هالجانب مش عم يظهر

فرفوشه وطيبه كتير

مع انها ئتلتني وسحبت اضافري

بس يلا انا مسامحتها بتضلها بنت بلدي

تسلميلي يادمعه ما اطيبك

والله لا يحرمني منك ياعسل



أميرة

بنت طيوبه كتير

ودمها خفيف

وبتفوت الئلب بسرعه

تعرفت عليها بنفس اليوم الي عرفت فيه ليمار

وصرنا من يومها أكتر من اخوات

بتحبني وبحبها وبنفهم بعض

طلتها صارت ئليله

الله يحميها ويرجعها بالسلامه يارب