[إسراء الفلسطينية]

هههههههههههههههههههه

ححكيلك بالتفصيل الممل

..

هاد يا ستي .. لما خلص اتفقنا انو رح نتقابل ..

واتفقت مع ابوي انو يوصلني لعندك .. وهل امور كلها .. توكلنا ع الله

وانا كنت متشوقة كتييير الصراااحة ..

طايرة من الفرح ..

وأخيرا حشوووف نانا

ما في حدا بالعيلة .. ما صار يعرف نانا

ونحنا ع الطريق .. ولما كنا بالسيارة .. صرت ابعتلك مسجات .. بتتذكري ؟

واقولك نحنا هلا ع الطريق .. وارجع ابعتلك اقولك بعد اديه بكون عندك ..

اجى بابا .. قبل ما يوصلني عندك .. نزل عند محل الجندولين ( محل حلو )

وبابا بيعرف صاحب المحل .. طلّعنا عندو ع المكتب .. وضيفنا كنافة بالخبز << طيبة كتير ع فكرة

ما بعرف كيف انفتح الموضوع .. وعرف اني رايحة زور نانا .. وصار يسألني ..

كيف عرفتيها .. وبتحكوا مع بعض من قبل وهيك اسئلة ,, وانا جاوبوا

هوي الزلمة مندمج بالموضوع ولسا بدو يسأل .. ههههههههههههههه << عجبو الموضوع

مستغرب من الوضع

..

المهم بلا طول سيرة

خلصنا من المحل .. ولولا ما انا قولتلو يلا بابا .. تأخرنا كان لسا الزلمة قاعد وبيسأل عن نانا

رجعنا طلعنا بالسيارة .. ووصلنا ع المنطقة .. صرنا قرآب كتير ..

بس والله والله .. كإني رآيحة عند نانا قبل مرة<< رغم انو ضعنا شوي

اتصلت دغري ع نانا .. وصارت تدلنا .. طلعنا عم نفتل حد البناية ونحنا مش عارفين

وصلنا والحمد لله ..

بس سبحان الله .. عنجد حسيت اني رايحة عند نــآآس بعرفهم من زمـــآآآن ..

وكنت متوقعة حالي اني اكون متلبكة او شي .. بس أبداا والله .. عـــآآآدي كتير كان الوضع

طلعنا ع البيت .. وبابا يسلملي طلع معي .. مشان يطمن عني ..

وراح بعدين :)

فتحتلي الباب اختها لنانا .. وانا وقتها .. قلت بلّش الجد

ولما شفت نانا .. يا ويلييي شوو انبسطت ..

ما بعرف ليش حسيت اني شايفتها قبل هيييك .. واني بعرفها من زمآآآن ..

وقعدنا نحكي .. وأهم شي انو أكلنا :P كانوا معزبين حالهم والله

انبسطت كتيير كتيييير .. ودغري الوقت طار منا !

بس هيي نــآآنــآ .. متل ما توقعتها .. حتى بالشكل .. كنت متخيليتها متل ما شفتها ..

عســــل والله ..

بالبيت عندها .. حسيت حالي ببيتي .. ألاقي ترحيب من وين ما كان

من اهلها .. من ستها .. من عمتها .. من اخواتها .. يا الله ملا شعووور

والله حسيت حالي ببيتــــي !

و ولا كإنو بعمري ما شفتها لنانا !

نسيت حتى .. اني تعرفت عليها من ع النت والله !

سبحــــآآن الله .. عنجد بحمد الله.. انو جمعتنا الدنيا .. متل ما جمعنا النت ..

وان شاء الله عقبال ما نجتمع بالجنـة ان شاء الله :)

..

هاي هيي قصة لقائي انا ونانا اول مرة ..

شو بدك أحلى من هييك تفاصيل ..

..

رآجعة مع اسئلتي