[PaLeStiNe FlOwEr]

حواء: برأيك لماذا آدم الشرقي لا يُحبذ مساعدتك في أعمال المنزل؟

بسبب المجتمع اللي هو عايش في وكيف حتكون نظرة المجتمع الوا،، وبسبب تعويد أهلوا الوا،، يعني احنا اخواني بنعلمهم يساعدونا في البيت،، يعني أكيد ما حيشتغلوا شغل حوا من طبخ وغسيل،،

يعني مثلا هما اللي بضبوا الأكل معنا واللي بشطفوا برا البيت يعني مش معقول احنا الصبايا نطلع نشطف مدخل البيت والكل يتفرج علينا :p

وطبعا برتبوا غرفتهم بس طبعا لازم نرجع نرتب من وراهم لأنوا ترتيبهم غير شكل،، هههههه

حواء: ماذا يعني لكِ العمل؟ وما طموحاتكِ في هذا المجال؟

مكان لإثبات الذات،، أكيد حلو حواء تشتغل بس مو على حساب بيتها وأولادها،، يعني ازا كانت بحاجة الوا حتى تفيد بيتها تشتغل اما ازا زوجها عندوا مقدرة انوا يفتح بيت بأكمله وما ينقصوا شي فلي الشغل وقتها تتفضا لأولادها ولتربايتهم أفضللها،،

حواء: صفة في آدم تتمنين أن تكون لديكِ، ما هي؟

ما في شي محدد،، كل شخص الوا صفات بتميزوا عن غيروا وكل أدم بختلف عن أدم تاني

حواء: أبي، أخي، إبني، زوجي، جدي، رتبي هذه الأسماء حسب أهميتها لديكِ؟

جدي وجدي الله يرحمهم

زوجي وابني لسة ما اجوا

أبي وأخي الله يخليلي اياهم

حواء: ما هو السلوك الذي يزعجك من آدم؟

امم كل أدم الوا سلوك بختلف عن غيروا

حواء: آدم ( حنون ورومنسي) أو (جاد وحازم) أو ( عملي وثري)، أي آدم هو الأفضل لديك؟

امم ولا واحد ههههههههه
يكون مشكل احسن شي،، يعني حامل أفضل الصفات

حواء: خيانة الزوج لزوجته، سببها أو جزء من سببها هو الزوجة نفسها (عللي)!

مو الكل السبب من الزوجة الأغلب من الزوج نفسه يعني رح أتكلم ع المجتمع اللي انا في بصفة خاصة الدولة اللي انا فيها،،

الرجال هون عينيهم فاااارغة يعني هما اللي بتزوجوا عزوجتهم بتزوجوا مو لأنوا زوجتهم مو منيحة أو غير شي لأنوا معهم فلوس وحياتهم بتكون بس فشخرة ومناظر،، وكمان بسبب العنوسة الزايدة وهلأ صاروا الزوجات يرضوا بهالشي،،

أقرب مثال أغلب بنات صفي كانوا كل تنتين اخوات بس كل وحدة من أم وحياتهم ماشية طبيعية وتمام التمام وصحبة بس أكيد في غيرة داخلية،،

وكمان ماما لما كانت بتولد بأختي كانت وحدة جنبها وقالتلها انا التانية وسألتها ماما كيف قبلتي تكوني زوجة تانية صارت تحكي وزوجي كمان متزوج أربع ومو مهم الزوج المهم الفلوس تصلني واللي ايام بالأسبوع بيجي زوجي فيها بطمن علي انا وأولادي،،،

حواء: ما مدى صحة ( إذا أردت أن تكون محظوظاً عند حواء، فعامل المرأة كطفلة، والطفلة كمرأة)؟

اممم هي مو 100% بس هما الطفلات بحبوا حد يمدحهم ويكبرهم بس ما أعتقد كل إمرأة بتحب تكون طفلة

حواء: هل صحيح أن أكثر ما تخشاه المرأة في الرجل هو صمته؟

أه أكييد ،، يعني لما تكون حوا تحكي تحكي لينشف ريئها وبعدين لا تعليق أكيد حتخاف،، وما بعد الهدوء الا العاصفة

حواء: أثناء ركوبك إحدى المواصلات العامة إمرأة تنهال عليكي بالمسبات بدون أي سبب (أمام الناس)، ما هي ردة فعلك؟

مارح أعمللها اي اعتبار ويمكن أبتسم ابتسامة زي ما بقولها ابتسامه صفرة،،هههههه

حواء: فتاة العصر متهمة بأنها فارغة ثقافياً، وتهتم بأناقتها والتسوق أكثر من أي شيء آخر. ( تُقرين أو تدافعين وتنكرين)؟

مو الكل والله،، وزي ما هي فتاة العصر هكذا برضوا شباب العصر نفس الشي

حواء: لو أعطينا نسبة مئوية لمدى ثقة حواء الشرقية بنفسها أثناء التحدث مع رجل غريب .. كم تكون تلك النسبة من مئة؟

بتختلف من حوا لحوا

هلأ في حوا الجريئة وفي الخجولة وكل وحدة حسب صفاتها

حواء: مقولة: (إذا وُجدت صداقة بين امرأتين، فهو اتحاد ضد امرأة ثالثة)، ما مدى صحة تلك العبارة؟

عئولة ماهي هما امتا بطلعوا ع المقولات

انا أول مرة أسمع فيها

واعتقادي انها خاطئة كتييير

مين بتختاري بعدك ؟؟؟؟؟؟؟؟؟؟؟

بما انكم اخترتوا صدى وما اجت لاح أرجع اختارها


وشكرا ع الاستضافة