[هادي]

أول إشي (صباح الخير) ..
ملك .. موضوع مميز وفكره روعه .. خطوه جريئه منك ..
( مش زابط معاي الإقباس)!!!
بس برضو رح أجاوب ..
بسم الله
*
من متى أنا هون؟!!
يعني .. تقريباً سنه..
*
نسبة رضاي عن المنتدى؟!!
70%

*
شو بتمنى يكون لون ستايل المنتدى؟
شوفي بصراحه أنا بحب الألوان إللي بتدأ بالأزرق السماوي Cyan وبتنتهي بالنهدي، وأكيد الأسود .. بس مش منطقي للمنتدى.
*
تقسيمة المنتدى .. محتاجة تغيير أو إعادة تسميه؟
لا .. تقسيمها كويس ..

*
هل قابلت مشكله في المنتدى؟ وليش؟
صار .. الله يسهل عليه أبو النور أعطاني كرت أصفر!! علشان رديت على نكته .. (بس كان معاه حأ)


*
قرارات الإداره .. تعسفيه .. مرنه؟!
أكيد الإدارة بتناقش قرارتها مع المشرفين (ولا بتصير دكتاتوريه)، بس عندي تعليق على حذف بعض المواضيع!! (لما ينحذف موضوع لازم يعرف صاحب الموضوع السبب) والمشرف لازم يكون على قدر المسؤوليه .. ولو كان جديد .. لازم تكون في فترة اختبار إلو.. (مع هيك من حق الإدارة وضع إطار عام للمنتدى كمالكه للمنتدى).
وكمان لازم يكون في مرونه أكتر في التنسيق بين الأعضاء أو التراسل ضمن بريد المنتدى وتحت إشراف ورقابه طبعاً.

*
شيء تتمنى وجوده في المنتدى؟
آخر فقره في الجواب السابق


*
كيف تقدر الإدارة الأعضاء وجهودهم؟
يعني أكيد المسألة معنويه .. يعني صفه أو لقب .. بس لازم يكون في تسهيلات للأعضاء المميزينVIP
وهاد بيرجع لتقييم المشرفين للعضو، وبالنهاية العضو هو المسؤول عن إثبات نفسه!!
*
أفضل قسم عندك؟!!
بصراحة ما عندي تفضيل خاص .. بس مواضيع النقاش إجمالاً بتشدني .. حسب!!
*
بس تفوت بيلفت نظرك الموضوع أو الكاتب؟
ههه بصدق جديد صرت أميز أسماء الأعضاء .. كلهم عاشق عاشقه دموع أحزان!! وأنا ما بجَمع!! بس العنوان والأسم هلأ صاروا شدوني
*
حدد إچبتك!! يا ابيض يا اسود
أبيض:
روح المنتدى العاليه والرائعة..
و بنبسط كتير لما أشوف بعض كلمات بشريط الإهداء .. زي طنجره، طحشه، متنمره
أسود:
بصراحة في مواضيع مميزه ما بشوف فيهم مشاركات، ومواضيع ولا أتفه من هيك بيكون فيهم ضغط جماهيري
*
وردتين :
المشرفة آرابيان (عربيه) .. لأنها (منوره) هيه بتعرف..
والتانيه أكيد إنتي ملك .. لأنك غمرتيني بدعمك وخاصة (الكليب) يا متنمره

*
موضوع فاجأني:
أكيد موضوع ملك إللي فيه تصاميمي ..أحلى مفاجأه
*
موضوع ترك فيي أثر:
نفس الموضوع (الكليب)، وفي كمان موضوع عن (الفراق) لعضوه غايبه من زمان (أنثى ربنا يسعدها وين ما كانت)..
*
تغير شي بشخصيتي من وقت ما فت المنتدى؟
تغيير تغيير لأ .. أو هيك أنا بتصور!
*
أعطي لنفسك تقييم كعضو؟
لا ونسبه مؤيه كمان .. صعب!! بس فوء 50% ..
*
بتشوف الإدارة بتاخد اقتراحتنا على محمل الجد؟
أكيد (ما شفتي تعليق ألحان)
*
حسيت مره إنو بدك تترك المنتدى؟ وليش؟
لا ما وصلت معي لهيك .. ما تعودت أهرب
*
سر صغير أول مره تعلن عنه في المنتدى؟
جاوبت كل الأسئله، ومش حلوه أطنش سؤال في الأخير.. (بدور على سر صغير براسي) .. طيب أنا كنت متطوع بالهلال الأحمر، أنا كمان خمسه بمركز الرجاء.. كنا جوعانين، واحد اسمو أشرف ضل يزن على راسي نروح نشتري فلافل.. من كتر ما زن رحت معاه (سرئنا سيارة الإسعاف ورحنا نشتري فلافل فيها)!
(ما كان معي رخصة سوائه أصلاً .. بس بسوء) .. رجعنا لمركز الهلال لئينا كل الخليل بتستنى فينا شو بدكوا بالطويله.. مسحوا الأرض فينا وطردونا
*
كلمه صغيره منك لملك؟
وهاد أصعب سؤال ..
ما في إللي غير أُخت وحده متزوجه وعايشه بالسعوديه، هلأ صار عندي أختين بالسعوديه وبقطر ..

يسلمو ملك ..