[جاآرة الوادي’’]

- شو طموحك بالحياة ؟
احقق كل اهدافي وانجح بدراستي وبتفوق وأدرس طب أو هندسه



- رايك بالصراحة يعني انتي صريحة او لا ؟ وايمتا ممكن تكوني صريحة !
ممم اها بكون صريحه يوك يتطلب مني الموقف .. دائماً صريحه الا ازا كان الموضوع بمس خصوصياتي

-شو سر اهتمامك بالرياضة وحبك لكرة القدم ؟
شو بدو يكون السر غير اجواء البيت واخواني اللي بسببهم صرت احب الرياضه واتابعها .. وانا بطبيعتي بحب اجاكر .. اخواني برشا عشان هيك صرت ريال :p




- اكتر لاعب بتفضليه ؟
هههههههه يوووه كتيييييير اكترهم كاكا وكريس وبنزيما وهويغن وزين الدين زيدان وراؤول غونزاليس وبيعجبني لعب ميسي



- احكيلي يومك من لما تصحي لحتى تنامي شو بتعملي ؟
أول ما اصحى من نومي .. بتوضى وبصلي الفجر .. مع انو ما بيكون فجر بهداك الوقت .. بس شو بدي اعمل يوم اصحى بصليه .. وبعدها بلبس اواعي المدرسة .. وبطلع من البيت .. بسكر الباب .. بمشي بالطريق .. وبلاقي صاحباتي بيستنني .. بطلع معهن .. بصل المدرسة .. بفوت ع الاضافي (يومياً) وبعدها باخد الحصص .. وبروح .. أول ما اصل البيت بتوضى وبصلي الضهر .. وباكل .. وببدأ أدرس .. بعدها بصلي العصر .. وبكمل دراسه .. ومع ادان المغرب عقلي بقفل .. ما بقدر ادرس .. بفتح النت أو بقعد ع التلفزيون ... أو بقعد اقرقر انا وفطوم .. او بنقعد كلنا نسهر ع البلكون ,, وبعدها بنام وبصجى نفس الشي بعمل ^^



- مين ائربلك امك او ابوكي ؟
كآنت امي بس بعد ما اتوفيت ( الله يرحمهاآ) اكيد صار ابي



- اختاري 3 اعضاء واحكي عنهم ,, هالمرة ما راح ازكر اسماء انا انتي اختاري

همسه العشاق ... اختي وتوأمتي وبحبها كتير .. شخصيتها بتجنن .. محبوبه من قبل الكل ... ودلوعه الكل كمان ,,^^ مع العلم اني اصغر البنات وانا اللي لازم اكون دلوعه

ابو يقين .. شخصيتو حلوة وملفته .. يعني كان من اول الشخصيات اللي لفتت انتباهي اول ما سجلت .. طيب كتييييير كتيييييييييير واللي بقلبو ع راس لسانو ... ربي يحميه و خليك هيك ^.*

دموع الرحيل .. مديرتنا وعلى عيني وراسي .. بس بحسها بتعطي اهتمام لناس وناس لأ .. وكل الاهميه عندها للأعضاء القدامى .. الكل بحبها وبيحترمها وانا منهم .. بس بتكون احيانا جديه كتيير .. صحيح لازم هيك .. بس انا بأيد الشدة واللين .. يعني الجديه الدائمه مو منيحه كتير .. حاسه حالي لازمني بهدله :p



- طبيعة عيشتك بفلسطين بتفرض عليكي ببعض الاحيان تعيشي بخوف شو بتعملي بلحزات الخوف والترقب لما تتازم الامور ؟


انا يوم احس بالخوف يمكن ابكي ويمكن اصرخ ومرات بضل ساكتة .. يعني بفترة احداث غزة كنت ميته خوف ع اهل غزة .. ودموعي ما نشفوا من عيوني .. انا بطبيعتي يوم اخاف على حد ببكي ويوم اخاف من حد يا اما ببكي يا اما بصرخ .. ويوم اخاف انو شي يصير.. بضل قلقانه ,,^^





- ازا شفتي يهودي بيضرب طفل يا ترى ممكن تتدخلي وتبعدي اليهودي او بتخافي تتدخلي وبتمشي بطريئك ؟

مم موقف صعب .. ما ببعد اليهودي ولا بكمل طريقي .. لاني ازا بدي اتدخل وابعد اليهودي .. بدل ما يروح روح بيروح روحين .. وغير هيك .. انا شو بدو يطلع ببإيدي اعمل .. ما باليد حيله ,,

ولا بكمل طريقي .. لاني هيك ما عندي لا قلب ولا احساس ولا حتى نخوه ..

بالضبط ما بعرف شو بعمل.. يمكن اجمد بمكاني واضل واقفه ,, ويمكن انادي ناس حتى يبعدوا الجندي عن الولد ..