[قسامي غزة]

انتم يا جماعة الواحد ما بعرف يهرب منكم
وسلمت امري لله وراح اجاوب



1-اوصف لنا طفولتك(بالتفصيل)؟

انا كنت في طفولتي مدلل كتير لاني كنت اخر العنقود وكنت شايف دلال من امي _ الله يرحمها _ ما حدا من اخوتي كان مثلي وكانوا ينغاظوا مني لاني بروح معها علي المشاوير والزيارات وهما لاء

2-هل تتمنى ان تعود طفلا؟ولماذا؟

هية الطفولة رائعة بكل معني والاطفال ما بيعرفوا المهم بتاع الدنيا بس الي يهمهم الشوكولاته والمصروف بتاع المدرسة وهاد هية حياتهم كلها واحيانا بتمني ارجع طفل بس حتي ارتمي بحضن امي مرة تانية بس ياريت التمني بيجيب نتيجة

3-هل كنت طفلا مدللا؟

بحكي الكم اخر العنقود يعني الدلال كلوا

4-هل ممرت بصعوبات خلال فترة طفولتك؟

مممم ما بذكر اني مريت بصعوبات

5-هل كنت طفلا هادئا ام خجولا ام مشاغبا؟

بالعكس انا شخصيتي هادئ وخجول حتي الان ممكن اكون خجول بس بدرجة اقل بس احيانا كنت اعمل شغلات من تحت لتحت

6-اذكر لنا حادثا مر بك خلال طفولتك ولم تنساه للان؟

انا هلا تزكرت موقف ولسا هاد الموقف طاااازة يعني حصرررري
في مرة امي اشترت هدية لدار اختي وكان بالهدية علبة شوكولاته من الزاكية وكنت بمووت فيها وكان سعرها غالي كتير وبالعافية امي شرتها وفرحانة عليها
رحت انا فتحت الخزانة لقيت علبة الشوكولاته رحت فتحتها من الجمب فتحة صغيرة واخذت منها اكم قطعة علي السكت ولما اجت بدها تروح الزيارة لقت العلبة مفتوحة ومأخود منها كمان ههههه
راحت تصوت علينا وبدها تعرف مين الي عملها بس انا ضليت ساكت وهية استبعدت انوا اكون انا لاني اول مرة اعملها القصة هاد وكان الي اخوي اكبر مني خبرة بهاد الشغلة وهوا الي اكل البهدلة

7-اين كنت تقضي معضم وقتك؟

في البيت لانوا ما عندي اولاد عم ولا اولاد خال يعني مقطوعين من شجرة فكنت العب بالشارع كورة او اتفرج علي الكرتون

8-لعبتك المفضلة؟

كنت احب لعبة الحية والسلم

9-هل كنت طفلا اجتماعيا ام انطوائي ولا تحب اللعب والمخالطة؟

كنت اجتماعي جدا

10-لديك اصحاب من الطفولة؟وهل بقيت معهم ام باعدتكم الاقدار؟

بصراحة في عندي لحتي الان من اصدقاء الطفولة وكتير بعزهم ودائما بكون معهم وفي منهم علاقتي معهم مقتصرة الان علي السلام وبس

-هل كنت تحب افلام الكارتون؟وما هو كارتونك المفضل؟

طبعا كتير كنت بحبهم وخاصة توم وجيري

12-كيف كانت علاقتك باخوانك واخواتك؟

لاني اصغر واحد كانت علاقتي معهم مبنية علي المصالح وخاصة مع اختي الكبيرة
كنت لما بدي منها شيكل اروح احكي الها شو بدك طلب اعملك اياه او لما تحكي الي روح علي دار صحبيتي هات الي كتاب اروح بس لازم تدفع اجار الطريق

13-ما هو اصعب موقف حدث لك في طفولتك ولم تستطع نسيانه؟

وفاة والدتي رحمها الله

14-هل هناك انسان معين غرت منه في طفولتك..ولماذا؟

كانوا يغاروا مني هههههه

15-صف لنا موقفك اول يوم دخولك للمدرسة؟


طبعا انا حكيت هاد الموقف قبل فترة والي هوا يوم دخولي للروضة لانوا كان مميز هاد اليوم كتير وطبعا كنت انا وابن عمي رحنا للروضة وكان مع كل واحد اموا وبعد هيك تركونا بالروضة وراحوا مشوار وراحوا مشوارهم ورجعوا من مشوارهم وانا واياه بنبكي وروحنا البيت وفي تاني يوم مسكت ايدي في ايدوا ورحنا لوحدنا زي الارانب وما حدا كان يبكي حتي الابلة استغربت قالت انتم الي جيتم مبارح حكينا اه بس كل واحد اكل كف من ابوه جاوب معاه



16-شيء كنت تتمناه بطفولتك ولم تحصل عليه؟

انوا يكون عندي بسكليت بس حصلت عليه بوقت لاحق باخر الطفولة

17-حلم الطفولة ما هو؟ وهل حققته؟

كتيييييير احلام بس في منها تحقق وفي منها لاء

18-ما هي الكلمات التي كنت ترددها في طفولتك؟

بصراحة مش ذاكر

19-هل كنت مطيع لوالديك؟

مطيع جداااااا

وبعد انتهاء كل عضو يقوم بأختيار عضو ثاني

بختار مها الي هية فلسطين فلور