[PaLeSt!Ne SouL]

1-اوصف لنا طفولتك(بالتفصيل)؟
امم أول شي أنا البنت الوحيدة بين أولاد
لهيك كانوا أهلي يعاملونا نفس المعاملة
و بعدين نحا 4 ورا بعض الكبار
يعني بنغلب
كانوا الناس جيرانا و قرايبنا ماخدين عني فكرة غلط و هي إني هادية
لكن انا بعمل المصايب من تحت لتحت

و لأانا كنا كتير نغلب ماما و بابا سجلوني بالروضة قبل سنتين
و أنا و إخواتي التنين مع بعض
المهم قضينا فترة بعدين بطلوني أنا و أخويا اللي أصغر مني
و السنة اللي بعدها سجلوني و أنا لسه مو بعمر الروضة
بدهم يخلصوا مني
بس برضوا رفضوني

هلا صار عمري مناسب زي ما بيقولوا
دخلت الروضة باول يوم و روحت على الدار ميتة من الخوف

تتوقعوا ليش!!

أكيد ما حزرتوا
بتعرفوا مشط الأرض

هي صورتوا للي ما بعرفوا



المهم كان بساحة الروضة أخدته و صرت ألعب فيه

و فجاة و بدون قصد و الله نزل على راس ولد

و يا ويلي على منظره كيف صار من الدم طبعا أخد غرز

إجا أبوه العصر بدو يزور بابا و أبويا ما كان موجود

" طبعا ما حد عرف بالقصة لسه يعني ما حكيت لأهل البيت"
طلعتله مرة عمي و قالها بنتكم هيك عملت و هي تقوله مستحيل
هالبنت ما في أأدب منها و ما بتحاكي حدا

ياما تحت السواهي دواهي

المهم اللي بتذكروا إنهم وزعوا حلو يومها إحتفالا بهالمناسبة و إني بطلت هادية
ما صدقوا يا ويلي عليهم

كان لي لقب و أنا صغيرة

سلحفاة
و هاد لاني كنت بمشي بطئ بس هلأ صار لقبي صاروخ
كان بيتنا بخان يونس قريب على المستوطنات لهيك كتير كان في إجتياحات و هيك شغلات


2-هل تتمنى ان تعود طفلا؟ولماذا؟
أحيانا بفكر هيك و بعدين بقول ما صدقنا نخلص

3-هل كنت طفلا مدللا؟
أكيد لا 4 ورا بعض و في دلال حرام عليكم
كنا ننضرب كتير كتير

صح كنا نحنا علباويين
بس مش لهالدرجة


4-هل ممرت بصعوبات خلال فترة طفولتك؟
يس و أنا بالروضة بتتزكروا قلتلكم بابا ما كان موجود بالبيت

كان بالسجن
كانوا اليهود يدخلوا ياخدوا كم واحد و يطلعوا و بدون سبب

و طبعا كنا نروح زيارات للسجن بالنقب
و كان الطريق طويل الجو حر وقتها

بتذكر مرة رحنا أنا و إمي و عمي للزيارة إخدوا عمي و سجنوه التاني
و مرة طلعنا من قبل الفجر و روحنا قريب المغرب و ما خلونا نفوت نشوفه

و أنا صغيرة جدي كان تعبان كتير و نحنا بخانيونس و هو بغزة و ماما بدها تروح و بابا ماكان فاضي
رحنا معها أيام الحواجز ضلينا أكتر من 10 ساعات بالسيارة واقفين
الله لا يعيدها من أيام

و سكنا بغزة و أنا بحب خان يونس من وقتها طب الهدوء علي و بطلت مشاغبة
بس لهلأ بحب خان يونس أكتر





5-هل كنت طفلا هادئا ام خجولا ام مشاغبا؟
حسب الناس اللي بتعامل معهم
إذا كانو كبار كنت خجولة و إذا صغار يا ويلهم مني


6-اذكر لنا حادثا مر بك خلال طفولتك ولم تنساه للان؟
مش ناسية شي
كنت أهرب من المدرسة أنا و أخي اللي أكبر مني
و ليلة ما سجن بابا
و يوم ما ماتت أختي
كنت صغيرة عمري 3 سنين و نايمة أنا و أختي بنفس الغرفة و ما حد عنا
صحيت بدي أطلع من الغرفة لقيت إمي مسكرة الباب

صرت اصرخ و ما حد يرد علي و اصرخ اكتر و ما حد يرد
و تشعبطت على الشباك شيفاهم قاعدين عند الشجر و صرت اصرخ و ما حد منتبه غلي
صرت أخبط باي شي قدامي زي المجنونة و من ضمن الأشياء اللي ضربتها أختي

بعد فترة ماتت

و حسيت بالزنب و ما حكيت لحد باللي صار
لما كبرت عرفت إنو هي كانت مريضة انزاح هالشعور شوي


7-اين كنت تقضي معضم وقتك؟
بالجاكورة
أو بيتنا


8-لعبتك المفضلة؟
كنا نلعب شريدة و ناس و ناس
و كان ابن عمي يعمل طيارات و رقية "طباق"
و كنا نروح ع السوافي نطيرهم
مرة كنا بنطير
إجا و لد تقيل دم و خرب طبقي و هو طاير بطبفه
و طبعا الحرس الشخصي ابن عمي جنبي
و ما شفت الا هالإطباق بتنزل واحد ورا التاني
ابن عمي نزل كل إطباقه هو و أخوتوا و أعطاني طبقه كيفت

يهود و عرب


9-هل كنت طفلا اجتماعيا ام انطوائي ولا تحب اللعب والمخالطة؟
كان لي صحاب كتير كتير
بس الفترة اللي نقلنا من بيتنا ما حبيت أختلط بالناس كتير بعدين رجعت لقبل


10-لديك اصحاب من الطفولة؟وهل بقيت معهم ام باعدتكم الاقدار؟
في من يوم ما انولدت لهلأ بعرفهم وكل ما نروح ع خان يونس لازم نزورهم
و في ناس الدنيا أخدتهم بعبد عنا
الله يوفقهم وين ما كانوا


11-هل كنت تحب افلام الكارتون؟وما هو كارتونك المفضل؟
كونان بلا منازع
و بعديه ريمي و أنا و أخي


12-كيف كانت علاقتك باخوانك واخواتك؟
بالبيت قتال و مصارعة لكن لو حد زعل واحد منهم يا ويلو مني



راجعة أكمل