[.. ليآل ~]

صبـــــــآح الخير


الله ئديش بحب الصبح ،، خصوصاً بس يكون الجو بارد متل هلأ

بكون رايئه كتير
الئمر لساتو مبين بالسما ،، الشمس مش ئويه اليوم

والعصافير بتزقزق

كأنوا فصل الربيع

أنا بحب الطبيعه كتير ،، جبال ،، بحر ،، ئمر ،، مساحات خضرا

بموت بالطبيعه ،، مستعده أضل أتأمل بالقمر الليل بطولوا بدون ما أمل ولا أزهئ

أحكيلكم شغله بتضحك ،، بس ماتضحكوا

أحيانا لما يكون القمر مكتمل ،، بحس انو الو عيون وتم وبيطلع فيني وبيضحك






ماتضحكوا شفتكم





هلأ طلع اخي على مدرستو ،، الله مأحلى ايام المدرسه

كتير بحن لمدرستي

وبحن للجامعه كتير ،، عن جد أيام ما بتتنسى

احكيلكم شغله

انا يستحيــــل وبأي شكل من الأشكال انهي علاقتي بحدا

مع اني من النوع الي مابسعى لتكوين علاقات اطلاقاً

يعني صديقات أبداً ماعندي

وأغلب زميلات الدراسه هني الي اختاروا يكونوا رفئاتي

لكن إزا صار ،، وعرفت حدا وئربت منو ،، صعب جدا اتخلى عنو او انساه

حتى لو جرحني

لكن نظرتي الو بتتغير ومابتعود بمحلها أبداً

يعني ممكن احترامي يئل ،، ممكن ينزل من عيني وللأبد

بس مابقطع علاقتي فيه

وبضل أعاملو منيح ،، انا بحب أضل منيحه لآخر حد

كتير بهتم لصورتي ئدام حالي

مابعود نفسي اكون مغروره او حقوده

مع انو هالشي غلط ،، وبيولد عند الناس احساس بالضعف

بس انا بهمني اكون مرتاحه ومتأقلمه مع حالي

والنس يحكو شو مابدهم ويفكرو شو مابدهم

لانو بالنهايه إرضاءهم غايه لاتدرك



برب