رد: شو بتتصرف ساعتها!!!
لك تسلميلي ملك عمواضيعك الواقعية دايما! (صحيح اسمك ملك ليش ملقبة حالك ام الوليد، ليكون عندك وليد وما معي خبر!)
لمجرد انو موضوعك محطوط بجلسة نقاش فاكيد بدو مناقشة وابداء وجهات نظر!
شوفي شو، انا مش رح احكيلك المسامح كريم وخلي الاشي يعدي، لانو احنا بشر مش ملائكة ولسا ما وصلنا للدرجة التامة في تجاهل مشاعرنا واحاسيسنا وانو نخلي تصرفاتنا نطغى عليها، لانو شو الانسان غير كومة مشاعر واحاسيس وكل تصرفاته هي تعبير لشو بيحس وبيشعر من جوا!
بحكيلك من تجربة ان ازا متضايقة من بني ادم جرحك ومش طايقة تطلعي بخلقته، اكيد رح يبين عليكي ومشاعر زي هاي صعب انك تخفيها وتبين عكسها (الا اللي عندهم هاي المهارة وهاد الاشي بكون متعلق بشخصيتهم همي وحدهم، ومش الكل طبعا!).
حسيت من حكيك انو ردة فعلك وشعورك بالرغم من انو الجرح ال وقت بس لسات كأنو جديد وما تداوى، بعدين حتى تداوى اثارو والندبة محلو رح تبقى وما رح تنمحى مع الزمن!
وبما انو هيك الوضع وانت (ازا كنت) مش ناوية ترجعي الماضي وتفتحي ابواب وصعب عليكي تخفي الكره والغل اللي جواتك فاحسن انو تضلي عطبيعتك، تتجاهلي لهالانسان لانك هيك بتعطيه اكبر من حجمه وبس، اما انك تضغطي على حالك انك تبينيلو انك مش زعلانة منو وكل اشي عادي، الاشي رح يضايق انتي اولا، لانك مش عم بتنافقي ومش عم بتعبري عن شو بتحسي بالزبط وبتخلي هالشخص يتهيأ اشياء مش موجودة بالفعل (انك مسامحتيه وكل اشي صافي من ناحيتك)، غير هيك رح تتعبي حالك وتقهري حالك عاشي مش مستاهل.....
طنشي الاشي، وممكن انك تروديلو الابتسامة، بس بابتسامة باردة جدا او تحية باردة جدا.....
بتمنالك هداة البال...
تحياتي لالك..
لالا-فلسطين 48.
|