[ღ حورية فلسطين ღ]

حرحورتى العزيزة .. دورى لأسئل :]

عيوووووون حرحورتك العزيزة

اتفضلي يا قلبي

كيف بتشوفى نفسك .. مِن كل الجهات ؟! مم يعنى اوصفيلى طريقة تفكيرك - ايجابياتك وسلبياتك ؟!

بشوف نفسي شخصية عادية جدا

واثقة من حالها لدرجة معقولة وبنفس الوقت مش شايفة حالها

بتحب تعيش لحظتها ما بتحب تفكر بشي من قبل ما يسير

بتصف بصفة بالنسبة إلي رائعة جدا

وهي صفة الصبر

أي موقف بصير معي بكون صابره وهادية جدا

بتشوفوني عالمنتدى شقية ورغاية كتير على قولتك ماهينازتي

بس بحياتي العادية هادية كتير وما بحكي كتير الا وقت اللزوم

عندي كبرياء لا يوصف

انا وحدة من الناس اللي بس اتعرف على شخص وابني أمل كبير فيه


ويخيبلي هالأمل بكون فوق فوق ومجرد ما خاب أملي فيه بنزل ع الأرض ومستحيل يرجع يطلع

يعني من النوع اللي اذا تنزل حدا من نظري او اذا اتغيرت فكرتي بحدا مستحيل ترجع تتعدل الفكرة ^_^


عشان هيك مابحب اي حدا من اللي بعرفهم يدوسلي على طرف عشان ما تتغير فكرتي فيهم

لأنو مزاجي صعب اذا اتغيرت فكرتي

اللي بكرهو بحالي اني بكتم بقلبي دايما وما بحكي اي شي بدايقني

ولما اكون مدايقة من حدا ما بحكي مستحيل يمكن بعتبرها عزة نفس اني ما احكي والشخص لحالو يحس انو زعلني


وكمان بكره بحالي التناحة اللي عندي ^_^


وخلص بكفي حكي عن حالي

لما بتوقفى قدام المراية بتتكلمى احياناً مع نفسك .. بتقولى ايه ؟!

ما بتكلم هالععادة ابدا مش موجودة فيي

ما بحب اتلكم قدام المراية بالمرة

بتتمنى اكيد طبعاً ترجعى على فلسطين .. الأمر بالنسبالك ، مُجرد حلم ،، ولا تخطى حدود الحلم ؟! .. وبتعتبريه واقع - إن شاء الله

اكيد حلم عمري اللي بتمنى يتحقق

وبالنسبة إلي مش مجرد حلم

انا فعلا بتمنى ربنا يرزقني بواحد يكون السبب بتحقيق حلمي وهوا اني اروح على فلسطين


وما بتخيل اموت من غير ما اروح على فلسطين لو يوم واحد :(

على فرض انك تزوجتى مِن شاب اياً ما كانت جنسيته - لكن غير فلسطينى -هل هتنمى فى اولادك حب فلسطين وأمال العيش فيها ، ولا تفتكرى هيسلموا بالوطن المفروغ منه ؟!

اكيد رح انمي فيهم حب فلسطين بالذات اني عنصرية لفلسطين كتير ^_^

ومش بس انا كل اخواتي هيك

عندي اختي الكبيرة متجوزة سعودي

بس ولادها كتير بحبو فلسطين لدرجة لما حد يسألهم شو جنسيتكم بحكو فلسطينيين ^_^

وكمان بحكو فلسطيني زينا ومن هلأ بحكو لأمهم وابوهم احنا بدنا نتجوز فلسطينيات هههههههههههههههه


فديتهم اسمهم ريان ومهند واحد صف سادس والتاني صف خامس


حب فلسطين عنا يا ماهيناز مش مجرد تقليد بنتقلده

حب فلسطين بقلوبنا ومستحيل نتخلى عنها

لو قولتلك فضفضى عن الحال السياسيى .. مش شرط فضفضة سياسية - مُجرد فضفضة عن أحوالنا كمُسلمين بالتحديد عرب ؟!

لازم تدخليني بالسياسة يا ماهي

بتعرفيني مالي بالسياسة انا ^_^


يا ستي بالنسبة لحال العرب شي بحزن بصراحه


كل مالهم بتفككو بزيادة

وكل مالهم ببعدو عن بعض بزيادة

الوضع من سيئ لأسوأ

مش عارفه كيف رح تتحرر فلسطين والعرب بستخفو بعقلهم هيك

ولك تخيلي حتا عنا هون في جدة مو صار فيضانات

صارو يتطوشو الصرف الصحي ووزارة المياه مين المسؤول عن الفيضانات هاي

اشي مش طبيعي

بدال ما يوقفو مع بعض ويكونو إيد وحدة ويلاقو حل لهالفيضانات

لا قاعدين بتطاوشو هلأ بضيعو الوقت بالمطاوشه

دخيل الله بنحكي عالفاضي احنا

ايه رأيك فى اسماعيل هنية ؟! .. بتشوفيه بأى نظرة ، مُجرد رئيس حكومة فلسطينية ، ولا رمز مُعين ؟!

مجرد رئيس حكومة فلسطينية

ايه رأيك فى ايران ؟!

الله اكبر

مش شغل سياسة انا يا بنت

تفتكرى ان ايران تدخلها فى الشأن العربى يمُثل خطورة .. بنسبة عالية او لا ؟!

لا تعليق ^_^

انتِ بتشوفى نفسك عضو فعال فى المُجتمع ؟! حتى لو على المجال المحدود .. الاسرة البيت ؟!

اهاااااااا كتير عضو فعال

وحدة متلي بتدرس وبتشتغل بهالعمر


اكيد رح تكون بتفيد لو بشي قليل

ولوكنت اتمنى اكون بشتغل بفلسطين عشان اقدملها شي


بس طبعا مبسوطة لأني حتا وانا هون عم بقدم شي لفلسطين واهل فلسطين ^_^

بتحلمى بزوج وحياة - بأى شكل - ؟!

بحلم بزوج محترم وطيب ومحافظ على صلاته


يحترم اهلي ويعتبرهم اهلو ما يكون نكد ومزاجو صعب

وبحلم يحياة هادية مليئة بالتفاؤل والأمل والحب والطمئنينة ^_^






خلص بكفي اليوم بدي انام وراي بكرا دوام بالجامعة


بس اخلص برجع ^_^