رد: ماهيناز
مع اني بعيدة شوي عن تفاصيل القصة اللي صارت، بس هاد لا يمنع اني احكي رايي من خلال تمعني بالردود حول هاد الموضوع وكمان من خلال مشاهدتي للاهداءات.
1. راي نور الهدى كتيييييييير بركب عالعقل واكتر راي غدرت اني اتقبله من بين الاراء الاخرى.
2. دموع الرحيل وامل، حل الردع هو حل غير جذري اكيد، بس كمان انتوا اللي شفتوا الموضوع ورافقتو المشكلة بكل تفاصيلها، فان كانت لهذا الحد، يمكن ما بغدر الومكن على اختيار حل الردع، لكن بشرط ان يكون حل اولي ومؤقت، لتلاشي الاوضاع فقط، ومش ردع وخلص سكرنا عالموضوع وسلامتكو وتعيشوا، لازم تتخذ خطوات واجراءات تانية، انتو اكيد على معرفة فيها اكتر مني، بس كمان انها هاي الاجراءات تثبت نجاعتها!
3. شهيد غزة، واضح انو ارائك بتوحي الى انو بدك تسكر هالموضوع وتخلص من هالمشكلة في الوقت الحالي، انت هيك عم بتخدر السن بس مش عم تقلع وجعو، يا سيدي بدناش نقلع وجعو من مرة، بس عالاقل نلقى طريقة للتأقلم مع هاد الوجع!
4. ابو يقين، ما تم التفوه به لا يمكنه بأي حال من الاحوال لا انو ينقص من كرامة ماهيناز ولا من اي حدا تاني، ومش من المفروض (حسب رأيي الشخصي) انو ماهيناز تفكر باستقالة او ترك محل من تحت راس هالشغلة، ليش لتحس حالها مهددة او ليش لتسمح بهيك اشياء تأثر عليها! بس اكيد الاشي رح يسببلها ازعاج وتضايق كبير (كل واحد يحط حالو بنفس الموقف)، بس انا بشوف انو المواجهة عن طريق التصدي لسبب ومصدر الازعاج (ضمن المعقول)، وان لم يثبت هذا الامر نجاعته فالتوجه عندئذ للادارة لاتخاذ اجراءات معقولة من شأنها ان تمنع او تحد هذا الامر لطالما انه يزعجها!
5. خالد، بس فهمني شضو دخل مباراة مصر "بتعذيبها لشبابنا"، بغض النظر عن كل اشي الموضوع اولا رياضي زي ما بتصور ومش سياسي لحتى تقلبوا لانو الاشي بعمل نوع من الفوضى، وما كان هنالك حاجة لتقسيم المنتدى الى اقسام ومحطات فرعية، تُعنى كل محطة بقضية معينة، اتشاطر واطرحو موضوع للنقاش ازا هالقد مضايقك الاشي وخانقك.
شغلة تانية انو ازا بدك تتخذ موقف قوي بالنقاش فلا يكون البتة عن طريق اللجوء لاساليب تتخطى الاخلاقيات وتتعدجى فيها على حريات الاخرين، مهما يكون الثمن ومهما يكون الذي تتحدث انه بشعا، فلا يصح لك ان توجه له الاهانات العلنية واللادبية كالشتائم، فهذا ان دل، فيدل على عجزك في استجلاب طرق للنقاش ومواجهة الواقع، بل هو هروب من الواقع واستسلام للواقع لمن سدت في وجهه الطرق ليعبر عن قلة حيلته في ذلك!
وسوري ازا طولت، بس تكونت عندي اراء كتيرة بعد هالموضوع حبيت اوصلها!!!!
وتحياتي للجميع..
لالا-فلسطين 48.
|