[لالا-فلسطين 48]

بس حابة ازكر موقف، بعرفش قديش رح يعكس الخلافات اللي قائمة هسا حول الموضوع!!!!

بالاول الموقف اللي رح ازكرو الاشخاص اللي فيو هم حيادية لا حمساوية ولا فتحاوية ولا اي اشي تاني!!!!!!!!!

بتزكر وانا بالتانوية بصف 11، مرت زكرى وفاة ياسر عرفاتـ في الي بنت صف وطنية كتير (زيي ما شاء الله)، طلعت عالستاج الصبح واحنا بالطابور وحكت بالمايك وطلبت وقوف دقيقة حداد على روحو لابو عمالا ونقرأ الفاتحة عروحو كمان (الهدف من دقيقة الحداد كان انو مش بس اليهود بيشغلو الصفارة بكل المؤسسات الاسرائيلية سواء يهودية او عربية كمان بالمدارس العربية وبطلبو 5 دقائق حداد على اموات نكبتهم)... بس لما فوتنا عالصفوف بعد ما رقفت الطالبة نفسها بالصف وطلبت من الصف يقروا الفاتحة، حكالنا انا مش مستعد اقرأ الفاتحة على روحو وكان في طالبة متلو اللي حكت انو بستاهلش......رد عليها بعصبية انا بديش تحكيلي انا مقريتش الفاتحة لانو بستاهلش لانك متأثرة من ححدا انا بدي تحكيلي ليش، ويكون رايك الشخصي لالك!!!!!!

فشو عملنا سجلنا على اللوح ميزان حسنات وميزان سيئات منكتب بكل كفة شو عمل، لقينا انو الامر لا يخلو من الاعمال السيئة ومكانتش شوية، بس كمان كانلو اعمال منيحة وتقيلة...... ومشان ما نكون ظالمين ومشان هاي الاعمال حرام انو نهضم حقو ونقرا الفاتحة عروحو!!!!!!!!!!

بس لما روحت عالبيت وحكيت لاهلي شو صار حكالي انو هالمعلم معوش حق واللي عملو غلط، نسي شو عمل ابو عمار لما....... ونسي شو عمل ...... ونسي شو عمل..... الشعب الفلسطيني متفككش الا بعد ما مات!!!
بس انا ضعت بين الجهتين وعلشان ماتأثرش من راي حدا ويكون لالي وجهة نظر خاصة فيي رحت قريت،سمعت قصص كتيرة، حضرت افلام وثائقية قريت كتب، صرت افتح نقاشات مع الناس حول هاد الموضوع وازا مأيد ليش وازا معارض ليش!!!!!

لحد ما توصلت بالاخر انو عنجد الو افضال واعمال منيحة، فانا شخصيا مكنتش اميز بين فتح وحماس ولا كان يهمني هالموضوع اصلا الا بعد رحيله، مكنتش اعرف انو غزة منفصلة عن الضفة الا بعد ما انحط رئيس غيرو، واهم اشي اثر فيي شخصيا كيف كان يلف بالفلسطينية من دولة لدولة ليلجأ فيهم هناك وكان هو وجماعته اللي معو يذوقوا الامرين من قبل الدولة: نسيتوا شو صار فيهم بتونس، نسيتوا شو صار فيهم بلبنان، نستوا ونسيتوا!!!!!!!


بغض النظر عن كل اشي انسان قدم للشعب الفلسطيني ولو نتفة (شوية)، بنظري لازم نندانلو!!!!!!!!!!