[أم الوليد]

هلا نبدا بالجامعة...اول كورس الي كان صعب شوي...بحكم انو اول مرة بختلط برجال هيك ...طول عمري بدرسوني مدرسات...وفجاة دكاترة...وطبعا معروف عنا بالجامعة(بس عرفتو متاخر جدا) دكاترة قسم الاعلام متحرررين جدا وعينهم زايغة كتيييييييييير وحظي مع رئيس القسم كان طارح مادة النا وكان لتنجح بالواجب لازم يكون عن سمية الخشاب! او علي عبدالستار! اوتلبس موف ! ولاحد يسالني ليش هو هيك مخو!!!

وبيوم كان عندي برزنتيشن بمادتو...خلصت وبدو البنات الاسئلة...ونادى الدكتور: ملك جاوبت حضرتي: نعم دكتور
فتح محفظتو وطلع صورة شاب وسالني بتقبلي هالشاب الوسيم زوجا لك!!!!!!!!!!وانا هون وشي احمر عاصفر فكرتو بمزح والبنات بضحكو
حكى لي هذا ابني البكر نبراس شو رايك فيه كعريس!!!لو وافقتي الك امتياز!
ولو رفضتي رسووووووووووووووب
هون ماعرفت شو رد من الخجل واحترت ووقفت ساكتة
حس انو زودها معي...حكى بنشكر ملك ععرضها الرائع...والعرض ساري مس ملك لوقت التخرج...شفتو وقاحة أكتر!!!ماظن وطبعا مبدا الشكوى عليه مرفوض لانو رئيس القسم..وعنا بالجامعة...حق الطالب راااااااااايح

الموقف التاني كماااااااااااااان سيء: عنا دكتور ابن حلال وصغير بالعمر...كل محاضرة يحكي (ملك بتذكريني بمذيعة سورية جميلة!!!) بس مش عارف اسمها تعي المكتب لخبرك!!!
والبنات طبعا يضحكو وانا موووووووووووووت قهر وخجل...لانو مافي رد كمان

ودكتور الجغرافيا السياسية سالتو مرة بسؤال ماعرف يرد تخيلو شو كان ردو: ملك انتي كاااارثة عار عالجامعة!!وحترسبي!!

هون سكتت وقررت انو اخلي يندم عهاليوم ويعتذر لي ادام كل البنات

وفي يوم اسود الو امتحان الفاينل كان...طلب دفتري ...عاساس انو مرتب..وخطي حلو..وبدو يصورو للسنة الجاي...جاوبتو : دكتور مابليق بمقامك تطلب من كارثة جامعة قطر وعار عليها انك تاخد دفترها....سكت وقال: اسف ملك انا بشرفني انك تكوني احدى طالباتي وموفقة وبامتياز ان شاء الله
وفعلا خدت امتياز ورديت اعتباري

شو احكي لاحكي كانت ايااااااااااااااام بتجنن...شكل الدكاترة انتقموا للمدرسات ....استضافة حلوة كانت شكرا الكم