[مآهينآز]

إيِش أسم مدرستكـ ؟!.

فى إبتدائى كانت مدرستى اسمها المُشتركة [ وقتها مكانش لسه ليها أسم مُميز ]

فى إعدادى كُنت بالمدرسة العامة

وبعدين نقلت مدرسة تانية أسمها [ مدرسة الدكتور فؤاد محى الدين ]

وفى ثانوى مدرسة الشهيد

في أي صفـ ؟!.

السنة ديه رابعة جامعة - الليسانس إن شاء الله [ بدرس قانون ]

كم نسبتكَ العـأَإم الماضي .** يلا طلعوا الفضايح .:؟!

فى العام الماضى كُنت بجامعة ,, ومفيش عندنا نسبة فى تقدير

أخر نسبة جبتها ايام ثانوى كُنت دخلت علمى علوم وجبت 97 % ,,

وكم ترتيبكـ ؟.!

والله مش عارفة ,,

مهتمتش غالباً لأنها كانت أخر سنة بالمدرسة ، بس السنين اللى قبلها

كُنت دايماً الأولى على الفصل الثالثة على المدرسة ,,

كم عدد الحصص .؟!

بتذكر انو اخر سنة لى فى المدرسة كان كل الايام 7 حصص والسبت 8 حصص

إيش هى مادتكـ المفضله ؟!

كُنت بحب أغلب المواد ,,

مممم المواد العلمية ، اللغة العربية ، واللغة الالمانية ، وكان عندى ولع بالتاريخ وخاصة التريخ الفرعونى

تحب تذآكر من الدفتر او الكتاب .؟!

الأثنين ,,

هل انت من النوع الي تحب تشخبط عـَ الكُتب والدفــأإآتر ؟..!! <-

على ما أذكر ، والله أعلم ..

أنو أغلب الأوقات ,, وحتى الأن .. مُش بكتب إسمى على الكُتب ، بس كُتبى دايماً بيكون فيها علمات مُميزة

شخبطة بكلآم مفهوم وجُمل مميزة ، ورسومات :>

اذا انت متخرج ايش المرحله الي حبيتها ؟ وليه

كُل مرحلة كان فيها شيئ مُميز ,, ومش ممكن أنساه ..

غالباً السنة الوحيدة اللى قضتها بالمدرسة الاعدادية قبل ما اتنقل لمدرسة تانية

والسبب ممم المدرسة كانت قريبة من بيتنا اوى ,, دقيقتين واكون فى المدرسة

وكمان اصدقائى كانوا مُميزين [ الله يرحم اللى مات ويمسى الاحياء بالخير ]

والمُدرسين اغلبهم مازال عالق بذهنى ,, كمان المدرسة كانت قيودها غريبة وانا كانت شخصيتى اغرب ..

هل انت من النوع الي يتكلم كثير ؟. او لا يتكلم او نـآدراً ؟.!

انا ثرثارة بطبعى :>

بس كُنت أفضل الهدوء - ورقة وقلم - وأرسم ، او كتاب ( خارج نطاق المنهج :> )

لكن إصحابى مكنوش بيسبولى فرصة ابداً .. علطول كلآآآم وانا طبعاً بستجيب لإنى ثرثارة ههههه

من أكثر معلم احبيته ؟ إيش كانت يدرسكـ ؟.!

مدرس اللغة العربية كان أسمه أحمد ودرسلى سنة واحدة بس [ جزء مِن السنة كمان ]

ايام المدرسة الاعدادية اللى قضيت فيها سنة >> الله يمسيه بالخير ,, وعمرى كله مش هنساه

،

كمان مدرس ايام ثانوية عامة كان بيدرسلى فيزياء كُنت بحبه بس بحترمه اكتر وبشكل فوق المتصور ..

لدرجة إنى حتى بحترم حتى الورق اللى فى ايده [ شخصية مُميزة جداً ] ،،

كانوا أغلب البنات بيخافوا منه لأنه كان شخصية جادة ، وأغلبهم كانوا بيحبوا اسلوب معاملة مختلف ,,

اما انا كُنت بحترمه وبحبه كتير .. ولحد دلوقت بشوفه كتير

لأنو أعتقد ساكن فى نفس شارعنا بس فى الاعماق

كم كــآن عدد الطلاب ؟.!!

64 او 65 ,, مش فاكرة بس غالباً حاجة وستين

وين كــآن مكانك في الفصل ؟؟.!

رغم إنى الأقصر قامة بس فى اولى اعدادى و3ثانوى كُنت بأخر مكان فى الفصل

باقى السنين فى اول مكان

ومن كــآن جنبكـ ؟!

فى الثانوى كانت جنبى بنوتة اسمها نانسى

كم مره كتبت تعهد او مخالفه . وليه ؟.! ومتى .؟!

ولا مرة ..

رغم إنى كُنت الأكثر غياب ، بس عمرى ( على عكس الاخرون ) ما كتبت تعهد او شبيهه

كم مرة انطردت من الحصه ؟.! وليه .؟.! ومتى ؟!

ولا مرة ,, الحمد لله

كم مرة انحرمت من الفسحه ؟.! وليه ؟!

كتير ,,

بس مش حرمان بالمفهوم نفسه

كانت فى مُدرسة بتدرسلنا دين وكانت كفيفة ،،

فكُنت احب اقضى وقت الفسحة معاها ,, وأكتبلها السجلآت بتاعت الطلبة

عمرك اتهزات من مدرسك .؟! وليه ؟.!

اه حصلت مرة ،،

هو مكنش يقصد تهزيئ بس انا اعتبرتها اهانة ( وهى فعلاً ملهاش مسمى تانى ) وكبرت الموضوع >>

رغم انو مش طبعى !!

وليه ,, لأنو كان فى لآزمة فى لسانه بيقولها لكل الطلبة ( عمال على بطال ) حتى منغير لزمة

كان يقول انتى يا معزة لكل البنات

بس انا عمرى ما انتبهت للكلمة غير يوم ما قلهالى ,, قالى انتى يا معزة بتعملى ايه

الكلمة وقعت علي زى الصاعقة ههههههه

وقلتلوا مين ديه اللى معزة قلتها بقوة وعيونى دمعت >> وكبرت الموضوع جداً

او هزأتِ مدرسك .؟؟!! >> ماكانه السؤال قوي شوي

اها ,, للأسف ولو رجع بي الزمن ،، عمرى ما هعمل كده أبداً

نفس المدرس اللى قالى يا معزة .. وكان هو ده السبب فى نفس اليوم

مممم

هو قبل ما يجى الطلبة كانوا بيتكلموا انو فى مدرس هيجى جديد فى مدرستنا اسمه على برشامة او يمكن على شوكلاته

فكانوا البنات كلهم يسمعوا [ على برشامة ] ويضحكوا ههههههه

لكن انا دايماً كُنت اقولهم عادى يا جماعة >> هو فى حد بيختار اسمه

ويوم الحادثة اياها قلتله يعنى حضرتك ترضى حد يقولك يا معزة

فهو شكلوا ارتبك من ملامحى وقتها وقوم واحدة صحبتى وقالها شيماء قومى يا معزة

قلى شفتى عادى .. انا الكلمة بقولها عادى ومنغير قصد

قلتله لا بقى ولا تقولى ولا تقولهم >> وكنت وقتها رئيسة الفصل .. قولتله انا من حقى اتكلم بالنيابة عنهم

ومش هسمح لحد يقولهم يا معزة ديه ..

واتكلمت بقوة جداً ( بيتهيألى إنى خفت من نفسى وقتها ) وقلتله بعدين ليه بتتريق على اسامينا

نادينا بأسمينا زى البنى ادمين ولا انت علشان برشامة ولا مش عارفةشوكلاته

وبعدين سكت وبينى وبين نفسى انا قولتله [ انت ] آآآخ

وفى ثانية قلت اقصد حضرتك

مردش على وقعد يضحك افتكرته استهزاء ,, فبدون اى كلام قعدت

هو قالى انا مش بكلمك تقعدى ليه ,, فضلت اعيط بهستريا يمكن من كتر الغيظ ،،

وقلتله نروح دلوقت حالاً لمكتب الوكيلة وبكل غلى وحقدى مِن استهزأه بيا ،،

رحت قلتلها انا متخلقش اللى يقولى انا او اى واحدة من البنت كلمة معزة >> ليه عدمنا اسمينا

وأعتقد انو اتجازى فيها او حتى مُجرد كلآآآم من الوكيلة او رُبما المديرة >> بس كان بسببى

وبعديها مرحتش المدرسة كام يوم وبالصدفة وانا فى الشارع قاعدة على كووم رمل كده [ زى التل ] لازق فى بتنا

الا ولقيته مر من قدامى ووقف ندانى انتِ مش بتيجى ليه ؟ الا وانا عطيت وقلتله انا اسفة

قالى لا بالعكس عادى يلا ادينى بطلت اقول معزة يا معزة .. فأنا ضحكت وسألته حضرتك كُنت بتضحك على ايه

طلع على اسم شوكلاته وبرشامة ومطلعش اسمه كده

لكن أنا فضلت وقت طويل جداً ويمكن لحد دلوقت مش مسامحة نفسى >> ازاى اتكلم كده

وتوتة توتة خلصت الحدوتة

انت رسبتِ سنه ؟.! اذا رسبت في اي صف ؟.ّ! وكم مره ؟.ّ! وليه ؟.ّ!

ولا سنة الحمد لله ,,

كم مرة هربت من الحصه ؟..! اذا هربت صادوكـ ؛) .؟؟!

ولا مرة ,,

كم مره نمت في الصف ؟.!

مرتين تقريباً

بس المرة اللى عمرى ما بنساها

مرة مدرسة الانجلش قالت هنحل تمارين ,, فأنا نمت من كتر التعب ،، قالتلى قومى جاوبى عليها ,,

كانت تمارين >> وانا حسيت انى نمت وحلمت

وقلت بينى وبين نفسى بالتأكيد خلصوا اتنين على الاقل

فدخلت على رقم 3 علطول

الا كلهم قالوا باستغراب مآآآآهى >> فلاحظت الخطأ قلت سورى ودخلت على 4 هههههههه

أتاريهم لسه بيقولوا يا هادى وانا يدوبك مرحتش فى النوم وكانت المفروض رقم 1 هههههه

فالميس قالتلى لو تعبانة ممكن ترجعى تنامى فى اخر بنش ههههه ,,

في حد من المنتدى معــآك في مدرسه ؟ّ!. او صار معاك مره ؟.!

لا

واخيرا: اذا عندك صوره للمدرستك نزلها[/COLOR]

كان عندى صورة على الجهاز

إذا لقتها برجع أحطها إن شاء الله

انشاءالله الفكره اعجبتكم:

روعة ,,

يسلموا إيديكِ حبيبتى همسة

ما ننحرم منك يا عسولتنا


:

وتسلميلى سوسو حبيبتى على الاختيار

إحترامى للجميع :)