[.: بو جاسم :.]

ياكثرهم لا قلت لك عـرفت وجيه = ويا قلهم لا قلـت قـدر ومعـزة

رجل تعـزه بعـد مـا تلتقي فيه = ورجلٍ قبـل لا تلتقـي به تعـزه

ورجلٍ ترزه بالمجالـس مباديـه = ورجل فلوسـه بالمجالـس ترزه

ورجلٍ يموت ولا يجيبـون طاريه = ورجل يجـي طاريه في كـل حزه

ورجل ضعيـف ويستفزه معاديه = ورجل كلام إعـداه مـا يستفزه

ورجلٍ يهزه بعض موقف ويشقيه = ورجل ماهوب ايات موقف يهزه

ورجلٍ تلزه يعترف لك بخـافيه = ورجل على خافيه محدن يلـزه

ورجلٍ يوزونه ويزعل من أخيه = ورجلٍ يّزعل من يحاول يـوزه

ورجلٍ تكزه لازم إنك توصيـه = ورجلٍ بليا مـا توصيـه كـزه

ومن لا فرش للمرجله ماتغطيه = ومن لا يخز الناس محدن يخزه