[اجمل احساس]

قصتك أثرت فيني كتير ملك لانو في شغلات كتيرة انا مريت فيها برضو بس باختلاف شوي

طيب هلأ كل بنت بتكون اول قصة بحياتها مأثرة فيها لحد كبير وانتي مش قصة عابرة لا كنتي مخطوبة ليحيى يعني مش سهل عليكي ايلي صار انا بعرف وحاسة فيكي كتير بس هلأ تغير الظرف والوضع ملك يعني الحي ابئى من الميت زي ما بيحكوا ،،،

واي بنت بالدنيا بتحلم انها تكّون اسرة وتصير ام يعني هلأ انتي بتصبري بحالك انو يحيى لسه في بالك بس صدقيني انو ربنا رح يحاسبك على رفضك للعرسان لانو هاي سنة الحياة انك تتزوجي


ومبين انو ام الصقر بتحبك متل بنتها وبدها تفرح فيكي وكمان يحيى بقبرو مو رضيان على ايلي بتسويه بحالك هلأ يعني خلص لازم ترضي بالقدر والمقسوم إلك من رب العالمين وتشوفي نصيبك لانو ما في احلى من انو الإنسان يعيش كل مرحلة بحياتو بوقتها قبل فوات الأوان والندم


الذكريات بعمرها ما رح توقف بوجه الإنسان صح انها رح تضلها محفورة بقلبو بس خلص بضل ذكريات سواء حلوة او لا

بنصحك نصيحة اخت لاختها انك تفكري بشكل جدي بالموضوع وما تحرمي اهلك من فرحتهم ببنتهم البكر المدللة


اسفة لاني طولت عليكي ،،، اختك نور