[قسامي غزة]

نكمل حديثنا عن بداية تعارفي علي المنتدي وكيف عرفتكم


انا اول ما جبنا النت في البيت ما كنت اعرف شي بالنت
وكان عمري يمكن 16 او 15 سنة
وكنت في البداية افوت علي مواقع الدردشة
المهم بيوم كانت في دردشة حامية الوطيس
وكانت عن حماس وفتح والحين كانت في شوية شباب قاعدين بغلطوا علي حماس
وكانت بنت بتقاتل فيهم وبتدافع عن حماس
انا علي السريع فتت وصرت ادافع عن حماس
ومسكينة هالبنت لقتني نجدة
راح احكيلكم مين هاي البنت بس اصبروا

والمهم بعد هيك حكيت لهاد البنت ما تردي عليهم وسيبك منهم
المهم البنت هاد مرة تانية بعد فترة لقيتها علي الدردشة هاد
ونفس الموال وهاد المرة حكيت الها علي الخاص ايش بدك فيهم
وسيبك منهم وهذول ناس فاضين

حكت الي انت بتعرف في المنتديات حكت الها لا والله ما كنت مسجل بمنتدي قبل هيك
وانا جديد علي النت
قالت الي في منتدي انا مسجلة بيه وتعون فتح فايعين وبغلطوا علي حماس
قلت الها وين بس قليلي راح ادمرهم كنت متحمس يومها

والمهم حكت الي كيفية التسجيل وسجلتني في المنتدي
وراحت كتبت الي موضوع ترحيب وانا بصراحة زي الاطرش في الزفة
ما كنت اعرف شي بالمنتديات
المهم بعد ما سجلتني حكت الي بتقدر تشارك بعد هيك
واول مشاركاتي بداية دخولي للمنتدي هية بقسم الاخبار
بعد هيك اول موضوع نزلته في المنتدي كان اسمه قتله الوقائي

وقصة هاد الموضوع هاد شب من دار ابو جزر يوم كنا بنشيع شهيد ومرقنا من عند مقر للامن الوقائي
واحنا بنشيع في الشهيد اطلق جنود الخزي من الوقائي النار علي المسيرة التشيع
واستشهد هاد الشب
فاول ما روحت من تشييع الجنازة الشهيد كنت مولع ونزلت هاد الموضوع
وبعد هيك صرت بدي انزل مواضيع بالمنتدي
فاستعنت بالاخ عاشق الحور الي هوا نشات وطبعا تعرفت عليه يومها
لانوا كانا في رسائل خاصة في المنتدي وتعرفت عليه
وهوا حكالي كيف انزل موضوع وصرت بعد هيك انزل مواضيع
ومرة حبيت انزل انشودة وهوا كان مشرف يومها فسم الاناشيد
فانا ما كنت عارف كيف المهم بعتت اله الانشودة علي المسنجر
وهوا رفعها علي روسانا واعطاني اياها
قلي انسخها وبس في الموضوع
وانا يومها فرحت كتير لاني صرت اعرف انزل اناشيد
وبعد هيك مشت اموري في المنتدي
وبكفي هذه الحلقة من يوميات قسامي غزة
اه صحيح انتم بتحكوا مين هاد البنت الي عرفتني علي المنتدي
هية بنت من الخليل اظن وساكنة بالامارات او هيك شي
اسمها



احزروا مين






اقلكم





خلاص بدي احكي










ق
م
ر
ا
ل
خ
ل
ي
ل


قمر الخليل

والحلقة الي بعد هاد راح تكون عن حكايتي مع الاشراف