[قسامي غزة]

نكمل حديثنا

بداية انا ترتيبي اخر واحد بين اخواني واخواتي يعني بالعربي اخر العنقود
وانا الي اربع اخوة واختان وكلهم اكبر مني

طبعا انا مشاني اخر واحد بين اخواني كنت اكثر واحد مدلل بين اخوتي
وكان الكل يدللني وانا صغير

طفولتي ما بذكر منها شي الا بداية دخولي للروضة
وكان يوم مشهود يوم دخولي للروضة عمري ما بنساه بحياتي

يوم ما رحت الروضة رحت انا وابن عمي يعني هوا مش ابن عمي لزم يعني ابوه بكون ابن عمي ابوه
وانا ما الي ولا عم يعني ابوي وحداني وخوالي في مصر يعني في غزة لا عم ولا خال

المهم رحنا زي الشطار انا وهوا علي الروضة وكانت معي امي وكانت معاه امه

ودخلونا للروضة ويقالوا يا فكيح وراحوا
وبعد شوية رحت بدي اروح مع امي علي البيت مالقيتها ومحمد الي كان معي راح يدور علي امه لقاها مروحة علي البيت

وما نقعد محترمين زي الاولاد رحنا وقفنا عند باب الروضة انا وهوا وهاتك يا صراااااااااااااخ
وعياط انا ارتاح شوية وهوا يكمل بدالي في الصراخ ولما يتعب انا بصرخ مكانوا

والابلة تحكي النا تعالوا واحنا نصرخ وتعطينا شوكولاته نعمل رست ناكلها ونكمل صراااااااااااخ

المهم اجا اخر النهار واحنا علي هاد الحالة صراخ × صراخ

واجا الفرج اجت امي واجت اموا رحنا زي المساكين نبكي الهم
بس امي وامهم كانوا ناويين النا علي نية سودة واحنا مش عارفين

رحنا روحنا علي البيت وفرحانيين وسالها ابوي كيف نهاد راحت حكت الوا القصة
ومحمد كمان نفس قصتي
انا قلت ابوي هيحكي الي ما تروح تاني يا حبيبي علي الروضة
بس ما لقيت الا كف مش عاروف من وين جاييني
قلي بكرا بتروح انت ومحمد لوحدكم علي الروضة ويا ويلك لو روحت تاني
ومحمد نفس قصتي

واجا تاني يوم هوا بيتهم جمب بيتي بس هوا كان انشط مني
اجاني علي البيت بحكيلي يلا نروح الروضة
سبحاااااااان مغير الاحوال مبارح صراخ واليوم نشاط
ومسكت ايدي في ايده زي المحترمين ورحنا علي الروضة بكل احترام

ورحت قعدت علي الطاولة بتعتي وهوا علي طاولته ولا كانوا مبارح كان في اشي

وكملنا السنة زي هيك محترمين


بدي اروح اتغدي وارجع اكمل