[نور الهدى]

مممم

في اعتقادي الشغلة بتختلف من بنت لاخرى .. و من ظرف لآخر

شخصيا ما بظن انه من الممكن اكمال التعليم و تحمل مسؤولية البيت الا ازا كان في تعاون من الطرفين في اشغال المنزل

و عادة الرجال الشرقيين نادر جدا ما نشوفهم يساعدوا زوجاتهم

لذلك ازا البنت بدها تكمل تعليمها في بنت زوجها لازم من البداية يكونوا متفقين على التعاون

مش تيجي بعد الزواج تحكيله والله بدك تساعدني بهاي المسؤولية لانه بدي اكمل تعليمي !!

اكيد التعليم حق الها .. بس بدها ما تقصر في حق زوجها ازا هيك

//

كتير من العائلات أوضاعها المادية ما بتسمح إنها تعلم البنات

طبعا بعد توجيهي بالغالب و على بيت زوجها

استغرب ليش اوضاعها المادية تسمح بتعليم الشباب و ما تسمح بتعليم البنات !!

يعني كأنه الاهل بستنوا ادنى فرصة ليبعتوها على بيت زوجها تيتهنوا من هاي المسؤولية !!

عالم غريب ..

//

عموما

انا مش ضد انه البنت تتزوج و تكمل تعليمها في نفس الوقت .. بالعكس

لكن ضروري يكون الزوج متفهم لهاد الشي

و الا بلا منه الجواز لحد ما تخلص دراستها ..

لانه بهاد الزمن ما بنعرف شو بده يصير .. بلكي زوجها توفى او طلقها شو بده يصير فيها و مين بده يهتم بمصاريفها ازا هي ما اشتغلت و ما اعتمدت على حالها !!

//

الله يعين على هيك عصر ..

يسلموا على الموضوع ^^