المشاركة الأصلية كتبت بواسطة لالا-فلسطين 48
بو جاسم..
اول اشي طرحت قضية عنجد عشتها بحذافيرها وخلتني اعيش بنوع من التناقضات لفترة من الزمن......
اول ما انتشرت موضة رنات تلفونات عشكل اغاني، كان يصير مواقف نكون فيها بمؤسسة عامة، متلا ببنك او ببريد وهناك الناس بكونوا اشكال الوان/ زلام (رجال)، نسوان؟، شباب، صبايا، متدينين، غير متدينين........ كانت تصير مواقف انو فجأة نسمع صوت تلفون صبية باغنية لتامر حسني (ارجعلي انا قلبي معاك..) وكل دقيقة التلفون يرن هاد عدا عن انو صوتو كان عالي ومزعج احيانا، والاشي الابلى من هيك انو كل ما يرن التلفون كل الموجودين في المؤسسة بطلعوا عليها وزي ببدوا اهتمام بالمكالمة وشو بتحكي..... كنت اشوف الاشي بالمرة مش حلو وغير لائق! كنت!!!!!!
يعني اولها كانوا يحطوا وصمة عالصبية الي رنتها هيك، وبكون الاشي غير لائق اكتر ازا اللي حاطط الرنة كبير بالعمر (عفكرة الموقف اللي حكيتو وصار بالجامع، كمان صار عنا بخطبة الجمعة موقف متلو بس مش مع شب مع زلمة كبير بالعمر!!!)
بس لما انتشرت هالموضة عالاخر يعني تقريبا ما بتلقى شب ولا صبية الا وحاطط رنة باغنية يعني صار الاشي عادي وبطل ازا البنت حاطة رنة يوخدوا عنها الافكار الي كانت بالبداية (ان كان رحن كل بنات البلد)، اخترت رنة لتلفوني اغنية هادية (لعمرو دياب: لو كان يرضيك) حطيتها من باب انها هادية وعجبتني، بس كنت مرات استثقل الموقف ازا متلا منكون بمحاضرة وبكون ناسية اقفل تلفوني او اعملو صامت وترن مرة وحدة، كنت هيك شوي احس بالاحراج مع انو المحاضرين تعودوا على سماع رنات الاغاني بالمحاضرات ومن كتر ما طلعت معهم كانوا يكملو الاغنية، يعني يغنوها او يحكولنا حاطط رنة بغنوية حاطط حط اشي راقي.. فيروز ام كلتوم.........
غير هيك كانت تصير مواقف كمان في البيت، متلا الصبح بكير يتصلولي صاحباتي وترن الاغنية، كانوا ابوي وامي مرات ينزعجوا ويحكولي ما بدك تغيري هالرنة؟ احكيلهم ليش مالها هادية وحلوة وبعدين شوفوا كل الي حولي صاحباتي وقرايبي، كلهم حاطين رنات من هالنوع........
لحد ما صار معي موقف مزعج ومؤلم عالاخر بنساهوش، موقف بالمرة مش مناسب انو يصير فيو هيك مواقثف وتنسمع هيك رنات من يومها مسحت كل اشي اسمو اغنية من تلفوني وصفيت على رنة نوكيا، وازا بفكر اغيرها رح احط موسيقى هادية وبس، يعني بدون حكي وغناء......
اما عن الحل، يمكن الحل انو كل واحد ينحط بموقف او يتخيل موقف يسأل حالو فيها: لو رن تلفوني بهاد الموقف شو رح يكون موقفي؟؟؟؟؟؟؟؟
ويعطيك الف عافية...
اختك..
لالا-فلسطين 48.
مرحبا ومسهلا اختي لا لا -فلسطين48 .. نورتي الموضوع بالمرور الجميل ...
بالنسبة للجزء الاول من كلامج عن انتشار موضة النغمات .. والاماكن العامة ... من خلال متابعتي .. في ناس كثير يكون حاط نغمة جواله اغنية .. ولما يكون بمكان عام .. ويرن جواله .. يتصصب العرق منه بسكل غير طبيعي ... ومع ذلك ما يدفعه هالشيء .. الى التغيير ... اما بخصوص النغمة في المسجد ... مرات لما اكون في المسجد ما احس اني بمسجد .. من هنا تسمع نغمة ومن هنا تسمع اغنية .. وهكذا ... يعني الواحد في المسجد يصلي يحس نفسه في حفلة ... الشكوى لله ..
الجزء الثاني .. والله خوش محاضرين ... ههههههه
بس ما ينلامون ... اللوم عاللي قدامهم .. وان كان فيهم الخير والصالح ..
بالنسبة للحل اللي طريحتيه ... حل منطقي وجميل ... ونتمنى ان تختفي هالظاهرة اللي ما لها داعي وخصوصا في بيوت الله ... لانو الوضع في المساجد مع النغمات متازم ...
ختاما ... اشكرج اختي عالمرور وبداء الراي ... وعساج عالقوة ان شاء الله ... دمتي بود .. وخير
اخوج .: بوجاسم :.