[limar]

1_ هل انت تفعل ما تقوله هنا بالمنتدى ..؟؟
يعني بنسبة 95%

2_ اعتذار تريد ان تقدمه لمن ..؟؟
لماما لو مافي اي سبب حاليا بس اسفة على اي لحزة زعلتك فيها

3_ ما ردة فعلك عندما يقول لك حبيبك : أحبك نعم أتزوجـــك لا ..؟؟

ما بعتئد اني ممكن احيج حالي انحط بهيك موقف والحمدلله ما انحطيت
بس ازا صار بعتئد راح احقد عحالي وعليه

4_ ماذا ستكتب لنا لتعبر عن حياتك التي عشتها الى الان في كلمات قليله ..؟؟
صبر وانتزار

5_ اذا اردت ان تبكي الان , فعلى من تبكي ..؟؟
على حالي
وعلى ايام عشتها بفترة من الفترات كانت تعيسة جدا

لهلاء ازا تزكرتها ببكي



6_ من ستختار ليمسح دموعك ..؟؟

ما حدا ..

7_ لو خيروك بين حبيبك وبين اعز صديق فمن تختار ..؟؟

بهالوئت حبيبي

8_ماهو تقييمك لهذا المنتدى بصراحه ..؟؟
جيد جدا وعزيز علي كتير


9_ من يسكن قلبك ..؟؟
شخص


10_ هل تعتقد ان حظك سيئ ..؟؟

يعني هيك وهيك

ما بحب احكي عن الحز بالاخر كل شي بحياتنا قدر
الحمدلله على كل شي

والي عندو يقين بالله يضل يدعي الله وبالنهاية راح يكون مبسوط


11_ هل تدخل الشات ..؟؟
كنت

وما فتو من شي سنتين او اكتر يمكن



12_ هل هزمك حزنك في يوما من الايام ..؟؟

اهاا

13_ ((مستحيل انســـاك)) لمن تقولها ..؟؟
لنفس الشخص


14_ (( اللي راح راح وماتفيد كلمة ياريت )) إذا أردت ان توجه هذه العباره لنفسك, فماذا
تقصد بها ..؟؟

يا ريت درست شي غير تخصصي الي درستو

دايما ببالي هالشي


15_ (( انت كل شيء بحياتي )) لمن تقولها ..؟؟

كمان لنفس الشخص



16_ متى اخر مره بكيت ..؟؟
اليوم

17_ اي الدول تتمنى ان تزورها ..؟؟

بدي ازور مكة لحتى روح على الكعبة

18_هل لديك الجرأه ان تقول عمرك أمامنا ..؟؟
23

19_هل انت راضي عن نفسك ..؟؟

ببعض الاحيان لا

بتمنى لو كانت شخصيتي اقوى لانو غالبا بنجرح بسرعة وما بعرف اخد حئي

20_بماذا تقر وتعترف أمامنا الان ..؟؟

كتير اشيا
بفضل ما احكيها

خاصة كتير

21_ اغمض عينيك دقيقه لو سمحت, ماذا خطر على بالك وانت مغمض العينين ..؟؟
اني شوف هالشخص ئدامي هلاء


22_هل تؤيد الزواج العاطفي ام الزواج التقليدي ..؟؟ ولماذا ..!!
العاطفي

بحس انو اد ما صار مشاكل بالنهاية راح يكون في تفاهم وتنازلات بسبب وجود الحب بين الطرفين

اما التقليدي مسالة التنازلات راح تكون اصعب فيه لانو مافي احساس بالحب بالمعنى الحئيئي


23_ايهما اهم شهادتك الجامعيه أم الزواج ممن تحب ..؟؟

التنين مهمين بس انا مافيني جاوب لانو خلصت جامعة ومعي شهادة
بعتئد الارتباط بالشخص الي بحبو بكون اهم
بس ازا فينا نعمل التنين ليش لا

24_ هل من الممكن ان تتحول الصداقه الى حب ..؟؟

اها اكيد

هههههههه زكرتيني باختي

هادا يا ستي خطيب اختي كان عطول يحكيلها بعتبرك متل اختي وهالحكي

عالرايحة والجاية انتي اخت عزيزة انتي اخت عزيزة

كان نفسي اعرف مين عزيزة هاي

المهم بالاخر طلع بحبها واجى طلبها وهيهم خاطبين



25_هل تعترف بشيء اسمه الصداقه بين الرجل والمرأة ..؟؟

اه بس مو مع كل الناس لانو النفسيات مختلفة

26_هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه ..؟؟

لا الحمدلله

لما حسيت اني ممكن كون سبب انسحبت مع انو كانت صدفة

يعني شب ايام الدراسة تئدم لخطبتي وصار حكي بينو وبين اهلي وانا فكرت بالموضوع
بس كان الي صاحبة كانت دايما تحكيلي عن شب متعلئة فيه وكان في بينها وبينو شي يعني حب وهالئصص

المهم بالصدفة اكتشفت انو نفس الشب الي تئدم لخطبتي

وهو ما كان بيعرف اني بعرف البنت

وبدون ما اجيب سيرة لصاحبتي رفضت الموضوع

لو ئبلت يمكن كان دمرت حياتها وثقتها بالناس حتى

بس يمكن لو كنت بحبو جد كان ئبلت

ما احقرني تشيس

اي دونت نو




27_هل انت مدمن تفكير ..؟؟

ههههههههههه يااااا لا تسالي

على التفكير نئصت 7 كيلو باخر اسبوع ونص


28_ من هو اكثر شخص تفكر فيه ..؟؟

الشخص الي حكتلك عنو فوق

29_ اذا تم تعيينك ملكا لجميع البلاد العربيه فما اول قرار ستتخذه ..؟؟

تحرير فلسطين اكيد

30_هل تكره شخص بشده في حياتك ..؟؟

لا

31_ ما هو اقتراحك الذي تتمنى ان يحدث في هذا المنتدى ولم يحدث الى الان ..؟؟

مممممم بنزري يكون في عدل اكتر من هيك

والاهتمام بكل الاعضاء بنفس الكمية

سواسية يعني

ممكن مو الكل بيستاهل

بس الحكم على الناس بدون ما نعرفهم في منو عنا هون

32_هل ملابس الشخص امامك تؤثر فيك لتأخذ عنه انطباع ..؟؟

المظهر مهم صراحة وممكن ياثر كانطباع اول لو صار اللقاء بدون كلام

بس انا من النوعية الي بهتم بشخصية الانسان الي بتعامل معو
اكتر من اي شي تاني


33_ماالذي يلفت انتباهك بسرعه في الشخص لكي تعجب به ..؟؟

شخصيتو

34_ اذا احببت شخصا في الوقت الخطأ وفي المكان الخطأ فماذا تفعل ..؟؟
هلاء من طرف واحد ( من طرفي انا يعني ) بنسحب بس ما صارت معي

ازا من طرفين ممكن اجازف واكمل ازا صارحني



35_ حكمة تؤمن بها جدا ..؟؟

ما بعد الصبر الا الفرج

وان الله قريب يجيب دعوة الداعي اذا دعى

تفائلو بالخير تجدو

36_ عاده تفعلها دائما تتمنى ان تتركها ..؟؟

مممممممممم العصبية والئلئ والوسوسة

موسوسة كتير انا

37_ ماهو اجمل اسم لولد واجمل اسم لبنت من وجهة نظرك ..؟؟

لولد مافي شي محدد بس بحب اسم الشخص

بنت بحب اسم ليمار وفي اسم كمان ليان وسميت اختي الصغيرة ليان

38_ ماذا تفعل اول شيء اذا ربحت ملايينا او مليونا عشان مانكون طماعين ..؟؟
بسال كل الي حوالي بشو نفسهم وبعملهم ياه


39_ هل انت من لديهم رغبة حب التملك واذا تملك الشيء اصابه الملل منه ..؟؟


لا ما بمل لانو ايا شي بملكو بكون عن قناعة تامة

بس بالعادة ما بسعى لشي املكو

الا شي واحد بسعالو بهالوئت

وراح املكو بازن الله





تعبت وانا ارد

يعطيكي العافية

حلو الموضوع