[أم الوليد]

طيب ياستي رح خبرك شي من أيام الجامعة بس ترك في نفسي أثر ولا اروع ...كنت في الجامعة في محاضرة انجلش إعلام وكانت معي بنت خجولة كتير واصغر مني كل يوم نلتقى الصبح أصبح عليها وتعد جنبي وتطلع تسلم علي ...وفي يوم قررت اتعرف عليها واعدنا سوا في الكافتريا ضلت تسالني عن الحجاب وانو كيف البنات المحجبات مالهم حرية وما بستمتعوا بحياتهم وحرياتهم مقيدة ومن هالحكي...المهم حطيتها براسي وحكيت ان شالله مارح اتركها لتتحجب ..وفعلا بدا مشوار ملك كل يوم صرت اعد معها واحكي وبيوم عملت حفلة ببيتنا وعزمتها وشافت البنات جايين متل القمر ولابسين فساتين سهرة وميك اب ضلت طووووووووووووول السهرة مستغربة وساكتة ...وتاني يوم حكت لي معقولة انتو هيك ؟؟؟؟؟يعني متلنا !!!!حكيتلها اه وشو المانع اذا لحالنا ومافي رجال

وبنفس الاسبوع بدا قلبها يلين شوي وعزمتها عمكان خاص للسيدات وكنا عاملين مسابقات والعاب وسباحة وتعمدت اتركها تتعرف عالبنات وماكون جنبها

وبعدين تركتها شوي لمدة اسبوع بحجة انو اشغلت بامتحانات ...وطبعا( ترك متعمتد لتفكر شوي)

وفي مرة طلبت نروح الستي نعمل شوبنج حكيتلها يلا ورحنا وفتنا محل ماكياج وصرنا نختار اجت حكت ملك: ليش بتشتري ؟؟ومتى بتحطي؟؟؟
رديت عليها: سارة احنا متلكم بناااااااااااااااااات بس لما نكون وحدنا عشان مانسمح لمن ماكان يتمتع بجمالناوكملنا وروحنا

وبعدها عطيتها شريط بحكي عن تجارب محجبات قبل وبعد الحجاب وتركتها هالمرة اسبوعين وتعمدت ما افتح معها هالسيرة

واخر يوم كان بعدها عندي شغل بمشروع تخرجي اسبوعين برة الجامعة وسلمت عليها وعطيتها كتيب( أنت ملكة) لمحمد العريفي وغبت عنها

اتصلت سارة تاني يوم وحكت لي ملك :بدي اشوفك هلا هلا ضروري
خفت يكون صاير شي معها ورحت لها عطول وبس شفتها كاااااااااااااااانت المفاجاة
تحجبت ساااااااااااااااااااااااااارة...شفت ها لاول مرة بحجاب شرعي

مابعرف دمعت عيوني واخدتها للمصلى سجدنا لله سجدتين شكر ...

واعدت معها اول شي باركتلها ونبهتها انو تحرص عليه وتتقرب لله وتدعيه يثبتها ...

ولاضمن هيك عملت لها اشتراك مجاني بمركز بعرفو كتير كويس بعمل فعاليات طول السنة للبنات ومحاضرات باسلوب حلو لاخليها تحت عيني واضمن بس تثبت عالحجاب

والحمدلله صارت سارة هلا تحكي قصتها للبنات تدعيهم للحجاب

آسفة طولت عليكم