رد: ما بال الطلبة الفلسطنيون المقيمين بالجزائر
اولا انت يا أخ مناد حكيت انوا الشعب الفلسطيني بحب الشعب المصري وفي ناس ردوا انوا بتمسخروا عليهم ع العموم مو يعني ازا شجعوهم بالكرة يعني بحبوهم او بكرهوهم
وكمان عن شغلت الفلسطينيين بالجزائر انهم بعملوا مشاكل..وانا شايفة الاغلب عم يرد ويقول عنا انو مشكلجية انا مو عارفة ليش أغلبكم بتحكوا وعم تعمموا مافي دوله الافيها ناس كويسة وناس مو كويسه..
معلش رح اطلع من الموضوع شوي..
اكيد كلكم بتعرفوا شو صار بغزة وبالحصار تبعها وما اعتقد انوا في حد ما بعرف... شو كان رد المصريين ع الموضوع أكيد في ناس وقفه وفي ناس لأ ...يعني احنا كان عنا معلمة مصرية بالمدرسة ايام حرب غزة كانت مبسوطه وفرحانة باللي بصير ولما طالبوا بفتح المعبر كانت رافضة هالشي وصارت تحكيلنا انوا مصر ازا فتحت المعبر رح تنسرق وصارت تصرخ وتحكلنا شو بدكم بمصر حلو عنا احنا فقرا...
وكمان يوم ما هدموا المعبر اهل فلسطين صارت تصرخ ونقستنا احنا كل الفلسطينين علامات ولما اعلنوا انوا ما صارت ولا حالت سرقة نجنت...طبعا مو الكل هيك أكيد كان عنا معلمات كتيييييييير بدعوا لفلسطين وايام حصار غزة كانوا كتييييييييير زعلانين...
طيب نرجع لموضوعنا شفتوا انوا مو كل الدول شعبها نفس بعضوا يعني الاصابع مو كلها متل بعضها وبعدين أكيد في بالجزائر ناس فلسطينية كويسة..
وكمان الواحد ازا بدو يهتم بكل كلمة حكاها غيروا ما رح يخلص..
((كان الرئيس الأمريكي إبراهام لينكون يقول: أنا لا أقرأ رسائل الشتم التي توجه إلي، ولا أفتح مظروفها فضلا عن الرد عليها، لأني لو اشتغلت بها لما قدمت شيئا لشعبي ))
وقال حسان:
ما أبالي أنب بالحزن تيس أو لحاني بظهر غيب لئيم
بمعنى ان كلمات اللؤماء والسخفاء والحقراء الشتامين على أعراض الناس لا تضر ولا تهم ولا يمكن أن يلتفت لها مسلم أو أن يتحرك منها شجاع.
وكان قائد البحرية الأمريكية في الحرب العالمية الثانية رجلا لامعا، يحرص على الشهرة، فتعامل مع مرؤوسيه الذين كالوا له الشتائم والسباب والاهانات، حتى قال: أصبح اليوم عندي من النقد مناعة، لقد عجم عودي، وكبرت سني، وعلمت ان الكلام لا يهدم مجدا ولا ينسف سورا حصينا.
وماذا تبتغي الشعراء مني وقد جاوزت حد الأربعينا
ويذكر عن عيسى عليه السلام أنه قال: أحبوا أعداءكم
بمعنى أن تصدروا في أعدائكم عفوا عاما، حتى تسلموا من التشفي والانتقام والحقد الذي ينهي حياتكم.
وكمان الواحد مابصير يعمم ع الكل في عمل الفواحش يعني ازا واحد جزائري مو كويس ما بصير نحكي كل الجزائرين هيك
وانت يا اخ مناد بتحكي انوا معززين الفلسطينين بالجزائر ، الواحد ما بتعزز الا ببلدوا يعني وين ما راح وتعزز رح يضل حاسس حالو غريب، وانا كتيير بسمع من بعض الجنسيات الاخرى انوا فالفلسطينين معززين ببلدهم يعني ما شاء الله الفلسطيني صار معزز وانا هاد الشي ما بشوفوا بالمرة، وكمان ازا الفلسطينيين بعجبوا ببنات الجزائر لا تزوجوهم شو ما ضل غيرهم
وانا بعتزر ازا زودت الكلام او قسيت في بس والله من القهر وان شاء الله ييجي يوم ونوخد حق العودة تبعنا ونرجع ع بلادنا وما بدنا جميلة حد
|