[السيف عدي]

المشاركة الأصلية كتبت بواسطة نسمة دفا

السلام قبل الكلام

اول اشي بنعملو ::


طبعا باليل لما نعرف انو العيد بكرة بنروح بنرسل

مسجات لكل ئرايبنا ومعارفنا الخ..........

و بنصحى في العيد على الخمسة او ابكر شوي

طبعا بنصحى على ماما وهي بطلع لخواني وبابا

الجلبيات عشان يطلعو على صلاة العيد وطبعا بنصحى

وبنسمع تكيرة العيد و احنا بنضبضب البيت ع بكير عشان

نرتاح وماما بتغلي القهوة السادة وبتحطها بالصباب تبعها .

وبنطلع الحلو والكعك وبنرتبهم وبنحطهم بغرفة الضيوف

وبعدين بيرجع بابا وخواني من الجامع وبنعيد عليهم وعلى بابا

وعلى ماما وبنبوس ايدها وراسها تئبرني امي وبيعطينا بابا

العيدية وبعدين ازا بدهم يفطرو بنحطلهم كعك ومعمول

وشاي وبعدين بتسير الساعة تسعة بنئعد شوي وعلى العشرة

بيطلعو بابا وخواني وخواتي الصغار يعيدو على ئرايبنا كلهم وبيلفو

عليهم واحد واحد .

وبعدين احنا بنلبس وخواتي الصغار من الساعة 8 ونص بيكونو لابسين

وبعدين بيرجعو خواني وبابا. واخواني بيحمل حالو هو وصحابو بينزلو

على السوق او على اي مكان بيطشو يعني وانا واختي وامي

بنضل بالبيت وبعدين باليل بنحمل حالنا كلنا وبنروح على عماتي

وعمامي .. خلصنا اول يوم

تاني يوم ...

بنصحى بنضبضب وبعدين بيلبسو خواتي الصغار وبيطلعو على الشارع

وبعدين بيسيرو يجو عنا الناس ليعيدو علينا واحنا بنكون مستعدين للأستقبال

وبعدين بس يروحو اخوي الكبير بيوخد خواتي الصغار ويبنزلهم بيطششهم

وبيفرحهم وبيغديهم وبيجيبلنا معاه اكل وبيرجع وبنوكل وبعدين بنستنى لما يجو

صحاب خواني وبنضايفهم وبعدين بيمسكو حالهم وبيطلعو واحنا بنضل بالبيت وبابا

بيكون عند صاحبو وبعدين بيخلص اليوم وانا يا على النت او على المسرحيات مع

كعك وكاسة شاي خلص اليوم التاني ....

واليوم الثالث واحلى يوم بالعيد بيكون عندي بيجو علينا خالاتي وخالي

وتيتة الله يخيلي اياها وبعدين بنئعد معاهم طول اليوم وبنضحك وبنمزح وبينزلو على

السوق مع ماما احيانا واحيانا لأ وبيقعدو معانا وبنسهر وبيعيدونا

وبعدين تاني يوم بيروحو لانو عندهم مشاغل وهيك بيخلص العيد

واحنا فرحانين ومبسوطين فيهم .


وكل عام وانتو بالف الف خير وينعاد عليكو بالصحة والسلامة يا رب

وكل عام وانتم الى الله اقــــــــــــــــرب ودمتم في حفظ الرحمن


وكتير كتير كتير حلوة الفكرة يسلم ادبك ابو نضال

وكل عام وانت بألف الف خير ويعطيك العافية =)

انبسطت بمشاركتك نسمة .... كتير حلو العيد عندكم .. في شغلات وطلعات ونزلات ...

يارب هالعيد يكون احلى .. وتنبسطي فيها اكتر ..



منورة نسمة يعطيكي الف عافية ..