[إسراء الفلسطينية]

السلام عليكن :)

وأخيرا فضيت .. وقدرت أنزللكن طبقي ^ــ^

مممـ بما اني بحب أعمل حلوو أكتر من اني أطبخ .. ففكرت وفكرت ..

وقلت شو رح تعملي يا اسراء ..

آخر شي .. قررت اني أعمل

{ كنــــآفــة }

//



المقادير :

- ملعقتين زبدة

- شعرية // خاصة للحلو

- 3 اكواب حليب سائل

- ملعقة كبيرة نشا

- كوب ونصف سكر

- نصف كوب ماء

- علبة قشطة بوك

- فستق حلبي ~ للزينة

- قطر .. حسب الرغبة ..

//

الطريقة :

أولا منسيّح الزبدة .. ومنخلطها مع الشعرية .. هيي الشعرية بكون لونها ابيض أول شي ..

المهم :)

منقيم نصف كمية الشعرية .. ومنحطها بقاع الصنية يلي رح نعمل الكنافة فيها ..

منحط الصنية بالفرن .. لحتى نشوف انو الشرية صار لونها برونزي :)

عبين ما تحمر .. بكون نحنا عملنا الحشوة بالطريقة التالية :

منجيب طنجرة صغيرة .. ومنحط فيها الحليب وبنحرك ..

ونحنا عم منحرك بالحليب .. منضيف المي و بعدين السكر و النشاء .. ومنضل نحرّك شي 3 دقايق ..

آخر شي منضيف القشطة .. وببلش الخليط يجمد .. ومنطفي تحتهن لما يصيروا متل القشطة ..

منطلع صنية الشعرية من الفرن ومنحط فوقهن الحشوة

بهيك بكون عنا نصف كمية الشعرية يلي بقيت .. منحطها فوق الحشوة .. ومنرجع منفوتها ع الفرن ..

منتركها لحتى يصير لونها برونزي ومنشلها من الفرن :)

بنكون نحنا طحنا فستق الحلبي .. وبتزينوا فيها الصنية :)

هاي هيي ^ــ^

::



وطبعاً بتقدروا اتضيفوا عليها قطر .. حسب الرغبة يعني