[بنت فلسطين المجروحة]

المشاركة الأصلية كتبت بواسطة ليـــــــــــــال السلام عليكم

عجونه هالموضوع والله كل يوم بنحكي فيه انا واهلي وبنتخانيء بين مؤيد ومعارض

ما ماحدا فينا بيئدر ينكر انو بدنا عمر لنوصل للمرحله الي وصلوا الها اليابانين

احنا مالازم ننسى انو اليابان دوله خاليه من اي موارد طبيعه وانها عباره عن جزيره بركانيه ارضها قحله وغير صالحه للزراعه

وانهم لليوم بيعانوا من اثار القنبله النوويه

لكن لما بنشوف التطور والرقي الى وصلوا الو بظرف قياسي اقل شيء نشعر فيه هو القهر

ناس بتقدر قيمه الإنسان ،، بتقدس الوقت ،، بتهتم بالنضافه والتربيه والتعليم ،،،

وكتير اشياء انتو شفتوها بعيونكم

الصراحه البرنامج مؤلم كتير ،،، والله احيانا وانا بحضر ان بدمع من الئهر

//

يمكن فكره المقارنه غلط ،،، لانو مافي وجهه للمقارنه بينا وبينهم ،،، هم تاني اقوى اقتصاد بالعالم ،، ونحنا يا حسرتي

نحنا المفروض مانكره مجتمعاتنا وانفسنا وماننبهر باليابان لانو عن ئريب راح تنهار امريكا وراح تحل محلها اليابان وراح تتكرر نفس المعاناه

احنا لازم اول شي ما ننكر شو هم وصلوا وشو عملوا

ولازم نبدأ بخطوات عمليه بسيطه مع انفسنا حتى نوصل حتى لو بعد عشرين تلاتين سنه للي همي وصلوا الو

//

يمكن ارجع

شكرا حبيبتي عجينه

اكيد مافي حد بكره مجتمعه
ولاهاي فكرة البرنامج ولا حتى فكرته انه نقلد اليابان

مابعرف ليش كذا حد حكى عن هالاشي .. انا لما شفت البرنامج ماحسيت ابدا اني لازم اقلدهم لاصير متلهم ..بالعكس حسيت انو احنا بجد في وضع مخزي انو هالاشياء اللي بعملوها ..احنا اولى نعملها

وعنا احسن من عاداتهم وتقاليدهم كمان .. بس للاسف الدواء بايدنا ومش عم نعالج جروحنا فيه



القصد انو غاية البرنامج انو نحس قديش وضعنا مزري

نحس انو فعلا الوضع مخزي

والاهم نبدأ بالتغيير

متل ماحكيتي مش راح نصير متل اليابان فيوم وليلة لأ


لكن بدنا نبدأ نشتغل لنطلع جيل صاحب اخلاق وسولكيات ترفع من حال الأمة


للوش مرورك اسعدني


يعطيك العافية