[.: بو جاسم :.]

قبل كل شيء مشكور اخوي الزعيم .. عالنقل ...

ولو نشوف المباراة بنظرة تحليلية .. نلاحظ ان السعودية من خلال اداءها ما كانت تبي الفوز ... وهذا اتضح من خلال اداء اللاعبين .. بطء في التحضير تمريرات غلط .. عرضيات غير مركزة .. ولكن المنتخب البحريني .. لعب بخطة واضحة وبهدف واضح ... وخصوصا بعد هدف التعادل في الشوط الاول ... حاول المنتخب البحريني تغطية مناطقع الدفاعية والاعتماد عالهجمات المرتدة ... والنقطة اللي تؤخذ عالمنتخب السعودي بشدة .. التهاون واللامبالاة .. يعني المباراة باقي لها دقيقة الى دقيقتين ليش التهاون في التغطية .. اللي يتابع الهدف البحريني الثاني يلاحظ ان 3 لاعبين من البحرين ارتقوا للكرة دون اي مراقبة او مضايقة من اللاعبين السعوديين ... والنقطة الثانية في الهف .. ان الزاوية اليسرى للحارس واللي دخلت منها الكورة خلت من اي مدافع ... عالعموم الف مبروك الفوز للبحرين .. وحظ اوفر للاخضر ... وبصراحة حرام الجمهور السعودي يطلع زعلان ... واللي سمع صوت الجماهير عند الهدف الثاني للسعودية يدرك معنى كلامي ... اما مدرب المنتخب السعودي ... عليه نقاط استفهام كبيرة وكبيرة جدا ... الشلهوب وعبدالرحمن القحطاني . وراشد الرهيب لعيبة لهم قيمتهم ولهم هيبتهم ... ولكن للاسف ما شاهدناهم مع المنتخب .. واعتقد ان مباراة امس كانت تطلب وجود الشلهوب اللي يتمتع بمهارات عالية وتسديدات متقنة اكثر من حاجتها لمحمد نور اللي انظلم وتوظف في غير مكانه .. ..

وفي الختام لازم كلنا نوقف يد واحدة .. مع البحرين ... ونتمنى لهم التوفيق ان شاء الله بالظفر ببطاقة التاهل ان شاء الله .. ونشوفهم بكاس العالم ..