[هادي]

طيب إسمعو هالنكته .. كلنا بنعرف إنو أول ما أجت السُلطة الفلسطينيه كان راتب ثمن مية شيكل!!! ( اللهم اجعل كلامنا خفيف عليهم) ( وأعوذ بك أن يحضرون)!!
هلأ المهم ..
جندي حابب ياخد إجازه يومين، آعد يترجى بالضابط المسؤول ..
النجدي: من شان الله مرتي بدها تولد وما عندها حد بس يومين؟؟ ربنا يخليلك ولادك
الضابط بيجاوب الجندي وفي بجنبهم وائف حمار ـ أجلكم الله -: شايف هاد الحمار؟
الجندي: شايفو سيدي..
الضابط: إزا بتخليه يدحك .. رح أعطيك إجازه أسبوع مش يومين..
الجندي : حاضر سيدي ( وراح مسك دان الحمار و وشوشو).. الحمار بلش يدحك .. لحد ما ألب على ضهروا من كتر الدحك!!!
الضابط بإندهاش شديد بيكلم الجندي: طيب خليه يبكي وخود إجازه أسبوعين؟!!
الجندي: حاضر سيدي ( وراح مسك دان الحمار و وشوشو).. الحمار بلش يبكي .. لحد ما عينو صاروا حُمر!!!
الضابط باندهاش وعصبيه بيكلم الجندي: طيب خلّي الحمار يجري بسرعه وخود إجازه شهر!!
الجندي : حاضر سيدي ( وراح مسك دان الحمار و وشوشو).. الحمار هرب بسرعة الصاروخ!!
الضابط طار عئلو، وحكى للجندي:: هلأ بدك تحكيلي شو كنت توشوش الحمار؟؟
الجندي : حاضر سيدي:
المره الأولى حكيتلو: أنا شرطي بالسلطه.. ( الحمار بلش يدحك)
المره التانيه حكيتلو: باخد تمن مية شيكل بالشهر.. ( صار يبكي)
المره التالته حكيتلو: شو رأيك تشتغل معنا ( الحمار هرب بسرعه)