[بنت فلسطين المجروحة]

المشاركة الأصلية كتبت بواسطة دمعة أسى لو بنعرف جوهر الدين
و بنطبقه قول و فعل كنا بنتغير

الرسول صلى الله عليه و سلم ( صلوا عليه) بيقول " فتنة أمتي المال"
و لأن العرب على قولة إم الوليد عربليزي يعني كسالى
بعد البترول اللي طلع ما عادوا ينتجوا أي شي و أخدتهم الدنيا و أخدت معها أخلاقهم

مشكورة عالحلقات و الموضوع

شي مهم كمان أنو ما نقعد نعدد شو بدنا نعمل لنغير كل واحد ف6ينا يغير نفسه حتى يقدر يغير اللي حواليه
مشكورة مرة تانية

النقطة الأولى بتفق معاكي فيها

فعلا .. تخلينا عن كل اشي .. عن مبادئ وقيم هي اساس نهضة كل حضارة



النقطة الثانية : بالنسبة للمال مش قضية بترول ولا غنى ولا فقر


لأنو احنا هينا في بلاد عربية فقيرة وفي غنية

بس القضية انو كلنا صار كل واحد اكبر همه انه يلاقي وظيفة براتب مريح ويحب وحدة ويتزوجها .. طيب وبعدين ؟!

هاي طبعا اشياء ضرورية لاستمرار الحياة .. لكن مفروض ماتكون هاي اهدافنا الاساسية

هاي اهداف ثانوية .. بتيجي مع الوقت عاجلا ام اجل

لكن احنا عملنا العكس .. حطينا الثانوي اساسي .. والاساسي ثانوي


:


النقطة الاخيرة .. هالموضوع مش لتعديد الاشياء للنهضة كلنا اكيد عارفينها


غايتي منه نصحا

انو كل واحد يبدأ فينا بشغلة ويجعلها عنده عادة وعبادة

انو مثلا


كل واحد يتقن عمله .. يتقن دراسته ويحبها


كل واحد فينا يحرص عطلب العلم


يعني صرنا في مرحلة من التخلف


انو الواحد بحزن انه وراه مدرسة ودراسة !!! لا ومسمينها متيسة

وكانها هم .. مع انها المفروض تكون غير هيك تمامًا ..

مفروض تكون راحة ... يعني انتي لما تدرسي عم تتعلمي عم بتوسعي مدارككعم تزيدي عندد الله درجة


كل هادا ليش اختفى من مجتماعتنا ؟!


صرنا بس بدنا ناجز ونلعب وناكل ونطش ونام

وهيك عيشة ..عيشة الحيوانات .. الله يكرمكم

الحيوان هو اللي حياته عبارة عن اكل وتكاثر




المهم انا قصدي بهالموضوع

انو انا وانتي وفلان وفلانة

نبدأ ندور عاشياء غابت عنا واهملناها

نبدا نهتم بهالاشياء لنرجع اللي كان






نورتي دمعة اسى


وشكرا لمشاركتك