[PaLeSt!Ne SouL]

فكرت كتير بالمواقف اللي كنت أعملها
وقلت ما بدي تضحكوا علي

فقررت أكتب عن اخي
هاد أخي بتوجيهي من يوم يومه نساي ( بينسى كتير)
قبل رمضان السنة هاي بأسبوعين كان صايم( متعود يصوم اتنين و خميس)
طبعا الأخ تسحر محضر حالو للصيام
صحي لقانا بناكل شعيرية ( بموت فيها ) أكل لما زهق بعد ما شبع تزكر أنو صايم
قبل الظهر اتصل عليه صاحبوا بقله إحنا طالعين رحلة تعال معنا
الرحلة لوين؟؟ للبحر
و بتعرفوا السباحة كيف ؟؟ شرب مية لما زهق
إجي وقت الغدا
و صواني الرز مع الجاج المشوي و علب السفن و اللبن
المهم الأخ قام بالواجب
كان موصيني أعمله بطاطا مقلية يفطر عليها
لما روح من البحر ( الرحلة)
بفله هيني عملتلك الأكل
طبعا هلقيت اتزكر إنو صايم

لما أذن المغرب بالعافية قدر يفطر على مية
ما في نفس
فكركوا ضلوا صايم

الشيخ عنا قالها أطعمك الله و سقاك

و أكتر شي لما يروح من المدرسة عطول عالمية الباردة

هيك وهو كبير كيف و هو صغير؟؟؟


بصراحة أنا ما بتزكر إني قلت إني صايمة و كنت مفطرة

بس عاملة أكتر من هيك خليها مستورة