[PaLeSt!Ne SouL]

المشاركة الأصلية كتبت بواسطة فلسطينيه والراس مرفوع
[

1.أي ساعــة بتستيقــظ أو بتصحى بالعربي من النــوم عــآدةً؟ طبعا بأيام الإجــآزة وأيــآم الدوآم ؟
أيام الإجازة من الفجر و أيام الدوام بالزق الساعة سبعة

2. هـل تجــد وقتــآ لممارسة التمارين الرياضيــة الصبــآحية أو اللي هيي .. يعني بتلعبو ريــآضة بيومكم العادي ولا لأ ؟
إذا شغل البيت بيعتبر رياضة فأنا بمارس رياضة كتير

قعدت فترة أمشي لبصبح أنا و بابا قبل الجامعة ساعتين مشي سريع

و بروح من الجامعة مشي حسب الجو

3.ما هــي الأوقات المناسبة برأيك او اللي انت بتــقوم بالعنــآيةبنظافتـك الشخصيــة او شغل الأناقة وهيـك يعني .. ؟
حسب المزاج بس أحيانا بتجيني فوعات

4. هــل تنام في النهــآر بعد العمــل أو المتيســة اللي لا يرجع أيامها علينــآ أو الجامعــة طبعـــا ؟
لا هذا ممنوع عنا

5. هلأ ازا بتنام كم ساعة يأخد زلــك من وقتـــك ؟
لو بدي أنام أحيانا نص ساعة عن اليوم كله و أحيانا ساعات الليل كلها ما بحس حالي نمت إلأا دقايق

أ 6. متــى بتفضل مشاهدة التلفـــآز ؟ تلفاز يعني تلفزيون أو t.v ؟
ما بتفرج عليه بالمرة لحسن الحظ طبعا

7.أي نوع من البــرآمج بتستهويــك لما تفتــح التلفزيــون ..بتستهويـك يعين بتحضرهــآ ؟
ما بتفرج عالتلفزيون بس بحب أسمع أناشيد كتير

8. ما انو كل واحد رح يتورط يعني عندو نــت أو net .. في أي وقت تدخــل الشبكة العنكبوتيــة عــآدةً؟
بعد الفجر و فترة العصر و بأول الليل
بس الغالب حسب الكهرباء

9. كم من الوقــت بتمضي وانت ع النــت ؟
حسب وقتي فاضية و لا لأ
أحيانا ساعتين
أحيانا ممكن توصل لست ساعات بس مش متواصلة

أنا ما بحس بالوفت

10. ما هي أكتر المواقع اللي بتــزورها وانت قاعد ع النت [ مواقع ترفيهية .. تعليمية .. أخبار .. منتديات .. فيس بوك ويوتيووب ومواقع زي هيــك ]؟
أكتر شي منتديات شباب فلسطين حلو كتير جربوه
و منتديات طريق الحور العين الإسلامي
و كمان الملتقى القسامي و التربوي
طبعا مش مسجلة إلا بأول تنين

11. ع المســنجر .. هــل تخذ محادثات المسنجر الجزء الأكبر من وقتــك ولا العمل اللي داخـل عشانهـ ؟
ما بتكلم بالمسنجر كتير

12. هلأ للطشــآت والطلعات والنزلات .. في أي وقــت اللي بتفضل فيـه الخروج مع صحــآبك او صاحبــآتك يعني بــره البيت .. أو استقبالهــم جوات البيــت أو زيارة حدا من قرايبــك ؟
بحب اطلع العصر أو بعد العشا
مع إنو مو مسموح أطلع مع صحباتي إلا بالمناسبات النادرة

13. شو هو الوقــت المفضل للجلوس مع العيلــة ؟ ولا ما في وقت محدد ؟
ما في وقثت بالمرة

بمكن وقت ما تقطع الكهربا بيكون أحلى جو لنلعب شريدة و تخباية

14. هل تصلــي الصلاة المفروضــة عــآدة بعد الأدان مباشرة ؟ بعدو بشويــة .. ولا قبل الأدان التاني ؟ ولا ما بتصلي بالمــرة ؟
الحمد لله بصلي بالغالب بصلي بالوقت إلا صلاة العشا بأخرها شةية
و احبانا بأذن لصلاة الظهر و بمون بمحاضرة

15. ما هو الوقـت المناسب لتناول طعام الغــدآ والفطــور والعشــآ ؟
الفطور : ما بفطر إلا نادرا بالجامعة مع صحباتي
الغدا: بعد صلاة الظهر بأيام الإجازة بس أما بالدوام ما في غدا
العشا: إذا كنت نعسانة ما بلآكل بالغالب بعد صلاة العشا عطول


16. هــل تجد وقتــآ لقرآة الكتــب أو المجلات المفيــدة أو المش مفيــدة ؟
الحمد لله هوايتي القراءة
موظفين المكتبة بالجامعة حفظوا شكلي من كتر ما بستعير
بس طبعا مش بكل المواضيع

17. ما هو الوقـت المناسب لزآلــك ؟
قبل النوم

و الفراغ بين المحاضرات

18. متــى آخر مرة قرأت فيهــآ كتاب اللهـ [ القرآن الكريــم ] وشو هيي الأوقات اللي بتفضل تقرأ فيهــآ قرآن ؟
العصر بسورة الأنعام

بقرأ لما أكون زعلانة من شي و بفتح الجوال عالقرآن لما أضب البيت و بردد معاه

19. هل تعــآني من أوقات فرآغ في يــومك ؟
مش دايما أحيانا بزهق من الضغط و أحيانا من الفراغ

20. كيف يمكنك مواجهـة الملل ازا ما كان في اشي يشغل وقتــك ؟؟
بلعب مع إخوتي الصغار
أو بقرأ شي كتاب طبعا كل شي إلا كتب الجامعة

21. في أيــآم الدراسة ... ما هو الوقت المفضل للدراســة؟
ما في:shababsmile240::shababsmile240:

22. هل ترى يومك مثاليا ... ام تحاول التغيير فيـه وشو هيي التغييرات اللي بتتمنى اتسير فيــه؟
يومي ممل أحيانا و احيانا راضية عنه
بتمنى أن يسمح لي بالطلعة اكتر


23. هل انت ممن لديهم سلم اولويات بحياتهم .. يني كل شغلة حسب اهميتها ولا إهمال × إهماال ؟
ماشية عالبركة

24. آخر سؤآل ..بــأي ساعة بتنام بأيام العطلة وأي ساعة بتصحى ؟
بنام أحيانا 1 و بصحى علفجر
و احيانا ما بنام لو كانوا إخوتي الشباب رايقين للسهر


انتهــى التحقيــق .. >>>بس في سؤال طــآر



> انتهـــى <

الحمد لله

شو التحقيق و الله لو إني بحكي مع مخابرات ما صار هيك

تسلموا عالتوريطة

نردلكم اياها بالأفراح إن شا الله

بختار إنتهينا

أو زيتونة
أو
أبو جهاد الجعبري

يلا إختاروا الإجابة الصحيحة