[روان فلسطين]

يا الله شو نفسي اجيب بابا يرد ع الموضوع

لانو بابا بس حد يجيب سيره البنت

بيشرشحو

وبيعطيه محاضره لا تقل عن شي ساعه ولا ساعتين عن اهميه البنت ودورها والفرق بينها وبين الولد

نحنا بابا ربانا انو البنت ع طووول محبوبه ومرغوبه بعيلتنا اكتر من الولد

وانو البنت احن وارقى واطيب ومو مشكلجيه وهاديه ومن هالكلام الحلو تبع بابا



بس بجد هلا البنت اكيد اضعف

بس لو كانت البنت قويه ومصارع وابصر شو

الكل راح يقرف من شخصيتها اهلها واصحابها والكل

بس من ناحيه الهم

اكيد يعني البنت همها اكبر من الولد

مثلا لو حكينا انو في واحد عندو بنت وشب

واجا العيد وبدو يشتريلهم اواعي (( هيي اخف منهيك مثال ما في ))

الولد بيعطيه الثلاثين دينار وبقلو انزل ع السوق

بيخطف حالو ربع ساعه زمن بيرجع جايب هالجينز والبدي وبيلبسهم وبكيف

اما البنت لو تحكيلها هيك بتنفجر عياط لازم تاخد امها وصاحبيتها ويوصلها ابوها او اخوها بالسياره ويظل يستناها لبين

ما تلف المحلات محل محل وتقيس الموديلات موديل موديل والله اعلم تشتري من اول نزله ولا لأ

وبس تصل البيت يمكن يبطل عاجبها وبدها رجعه ولا رجعتين لانو ممكن الشاله ما تيجي ع لون الشوز او الشنطه تيجي

مو مناسبه للاكسسوار

ومن هالحكي كتير والامثله اكتر طبعا

يعني كل الفكره انو البنت همها اكيد اكبر

بس مش لانها عاطله عن الولد لانها مدلله وبتحتاج عنايه ورعايه اكتر

وبالعكس البنات وخاصه المسلمات عباااره عن اميرات

لا بيصرفن من جيوبهن

ولا بيحملو كياس


ولا بيروحو بقالات


ولا مطلوب منهم يشتغلو

وكل شي موفر الهم

من بطن امها لحضن ابوها لرعايه جوزها

بس همه يرتاحو ويحافظو ع حالهم ودينهم ويلتزمو بيلي امرهم اياه ربنا

يعني انا شخصيا لما اسمع انو وحده اجاها البكر ولد

والله بحزن عليها

انا شخصيا بفضل البنت وبدي خلفتي كلها بنات

ويمكن افكرلي بولد ع الطاير هيك هههه

يسلممو خيو قسامي الموضوع