[haya-jor]

المشاركة الأصلية كتبت بواسطة نور الهدى )

نفس الشيء بالنسبة للولد .. و نفس القلق موجود .. و خصوصا في البلد اللي بعيش فيه :)

و مش بس لما يفوتوا الدرسة .. بل و قبل كمان

عندي اخ صغير .. و والله كل ما طلعناه برة بقلق من الاشياء اللي بتصير و اللي بنسمع عنها

فتحكليش بنت و ما بنت .. لانه في هاد الزمن هاي الامور بتعرضوا الها البنات و الاولاد على حد سواء :)



و الولد كمان لما بكون في سن المراهقة ممكن ينحرف .. بل نسبة الانحراف اعلى بكتير .. بما انه في المجتمعات العربية الشب بكون اله حرية اكتر من البنت .. و ما حدا بساله عن اصحابه ولا مع مين بطلع .. و بضل طالع فايت بكل حرية - هاد في اغلب الحالات و بلاش نحكي عن الحالات الشاذة اللي بكونوا فيها الاهل واعيين -



و ازا فاتت الجامعة يعني ؟؟

مش فاهمة شو قصدك



لا المرأة ولا الرجل بحبوا الطلاق

لكن في الحياة هادي بتصير ظروف بتخلي الواحد يتخذ قرارات خارجة عن ارادته

الطلاق مش عيب ولا حسرة لولا انه المجتمع المتخلف اللي عايشين فيه ظالم للمطلقة و حقوقها

لما كان الدين مفهوم من الجميع .. و لما كان المجتمع الاسلامي فيما مضى مطبق لشريعة الله ما كنا نسمع انه والله هاي مطلقة .. كان شيء عادي .. و هو كذلك

لذلك .. الهم مش في كون البنت ضعيفة .. الهم في كون المجتمع متخلف :)

و ازا انتي شايفة حالك كـ بنت " هم " على اهلك .. فـ انتي حرة .. لكن نظرتي مختلفة

البنت نعمة .. و نعمة كبيرة .. و ضعفها كمان .. نعمة :)

و سلامتك حبيبتي و تعيشي ^^

100 وردة

لنجيب مجتمع مختلف عن مجتمعنا بجوز تصير البنت شي عادي بتربايتها وبتعامل معها
لكن اختي بستغرب من كلامك (( ازا انتي شايفه نفسك هم على اهلك لأنك بنت )) !!!
يتعرفي اختي انا بحمدالله ربي انو بعتلي اهل مثل اهلي وبعتلهم بنت متلي انا ... لكن بطلع وبقول الله بعين الاهل لما اشوووف كسرة الضهر الي بتسببها البنت للأهل ... وهاد الشي موجود وبشده في عالمنا ما تقوليلي لما وحده تطلق عادي ولما وحده تترمل عادي ولما بنتك الصغيره تيجي تقلك شغله سمعتها او عرفتها متل لما ابنك الصغير يجي يقلك

على كل حال اخر شي بحب اقلو البنت طبعا نعمه من الله مش نقمه لكن بدها صعوبه في التربيه وفي تهيئة نفسيتها للحياه بكل مراحلها
ودليل على كلامي حديث الرسول كما ذكرت سابقاً ... بدل على الحكمه في تربية البنت واهميتها