[مآهينآز]

1/ كيف تتخيل منزل احلامكـ ؟!!

بتخيله بيشبه بيتنا القديم

بجد بتمنى يكون بيشبهه كتير

انا جربت العيشة فى شقة فى عمارة ..والحياة فى بيت ملك مُستقل ..

بالنسبالى بتمنى اعيش فى بيت مُستقل ..

بتمنى يكون بيت صغير بس دورين ويكون بسيط وهادى .. وطبعاً من اهم سماته يكون فيه سلم داخلى

سلم خشب طبعاً .. علشان استرجع كل ذكرياتى

اممم بالنسبة للدور الأول احبه يكون فيه مطبخ . ويكون واسع .. والمطبخ يكون فيه باب بيخرج على المنور

ويكون فيه فى نفس الدور انتريه وسفرة وصالون وحمام

وفى الدور اللى فوق : غرف النوم وحمام واهم مكان فى البيت مكتبة ومكتب خاص

عفكرة كل الاماكن الموجودة بالبيت حبها تكون صغيرة .. والاثاث كمان يكون حجمه صغير

فيماعدا المطبخ وغرفة المكتب .. يكونوا واسعين



بيتنا كان بيشبه نفس الاستايل ده .. بس كان السلم كله خشب ( الدرج والدرابزين .. وباب البيت كان خشب )
حاولت اجيب اصور صورة من الصور القديمة .. بس تليفونى بايظ إن شاء الله مرة تانية

2/ أكثر ماتحرص عليه يكون موجود فيه؟!!

مكتبة كتب .. وطبعاً على رأسها المصحف الشريف

3/ ماذا يحتوي من ملحقات { حمام سباحة _ حديقة ... ألخ } ؟!!

حديقة .. وتكون صغيرة ،، مبرتحش للأماكن الواسعة

4/ مآنوع الارضيآت التي تفضلهاا { رخام _ خشب ... ألخ } ؟!!

الارضيات تكون بلاط عادى .. لأن البيت كله هيكون مفروش

5/ ركن تفضله/ها في منزلكـ للاختلاء بنفسك ؟!!

غرفة المكتب ولازم يكون فيها مكتبة كبيرة



بس طبعاً المكتبة ديه صغيرة .. عوزاها اكبر

6 / ماألوان الاثآث التي تفضلها ؟!!

اممم الاثاث اللى موجود بالدور اللى تحت .. عاوزاه كله يكون بنفس لون خشب السلم

اما الدور اللى فوق .. غرف النوم كلها اثاثها يكون لونه ابيض

غرفة المكتب اثاثها يكون لونه غامق .. وتكون كلاسيك

والبيت كله اتمنى يكون متبيض باللون الابيض

7 / لماذا اخترت هذا المنزل ؟!!

لأنه بيتنا القديم .. بحبه وبحب استايله وكل مكان فيه .. وعيت على الدنيا لقتنى فيه

وذكرياتى كلها واحلى ايام بحياتى بفتكرها فيه .. وبس

8 / هل ستسعى لتحقيقه ؟!!

والدى مُهندس معمارى .. حكالى انه لو لقى بيعة كويسة للكام فدان الحيلة

هيبنيلنا بيت زى القديم ..~

وادينا عايشيين ..~ وإذا ما اتبناش على ايده ..

ربك كريم ،، يمكن نغير المسار ونحول هندسة ويطلع ابن الوز عوام :D

9/ من تختار بع ـدك ؟!!

حابه اختار بعدى الغالية أنثــــــــى


إذا ما عندها مانع



وشكراً كتير امولة على التوريطة .. إنبسطت وانا بسترجع ذكرياتى


إحترامى للجميع