[امتزاج ..!]

وعليكم السلام ورحمة الله ..

حبيبتي زيتونة .. {

ياغاليه احنا اخوانك واخواتك .. احنا دمنا واحد وديننا واحد

زيتونة حبيبتي بعض السعوديين بينهم وبين بعض في عنصرية فما بالك باللي مامعاه جنسية سعودية !!

حبيبتي بعتذر منك انا كمان من قلبي لو بيوم سمعتي كلمة من واحد ناقص دينه ..

ياغاليه راح افهمك الوضع ويشهد الله انه مش مبرر أبداً لهالتعامل ..

حبيبتي السعودية دولة نفطية الحمدالله وانتي عايشه معانا والحمدالله تلاقي والدك الله يحفظو متوظف أحسن وظيفه وابن خالك مثلاً كمان متوظف وظيفة كويسة ..

وهذا حق للجميع الله يديم علينا الخير والفضل

بس في الواقع كثير كثير شباب سعودي مش متوظف ومش محصل وظيفة ولما يتطلع بيلاقي واحد غيرو متوظف هالشي ولد عندهم نوع من الحقد للآسف ..

انو كيف انا ابن البلد مش متوظف وغيري متوظف احسن وظيفه .. [ يعني القصة كلها اقتصاديه ]

طيب النظرة هذي تلاقيها عند بعض الشباب بس .. اما كبار السن والعاقلين واللي بيفهموا نادر جداً تلاقي واحد بينظر لآخوانا الفلسطينية نظرة مش كويسة ..

اما بالنسبة لكلمة [ أجنبيه ] ياغاليه كلمة أجنبيه مابنقصد فيها القصد اللي انتو فاهمينو ..

احنا نحكي اجنبي حتى على مستوى العائلات ..

يعني لو اجى واحد من برا العيلة يخطب او يتزوج بيحكوا للناس فلان الأجنبي خطب بنتنا , مع أن جنسيتو سعوديه !!

[ أنتم الاصل يازيتونة ]

حبيبتي احنا لازم نحبكم .. آصلاً عشان يصير ديننا صحيح وكامل لازم نحبكم ونعطيكم عيوننا قبل بيوتنا ..

انا بعتذر منك لو شفتي موقف من وحده سعودية ماتمثلنا آبداً .. لو وحده سمعتك كلام فتأكدي انها ناقصة عقل وايمانها مش كامل ..

بس كمان اتأكدي لو صابكم شي لاسمح الله راح تلاقونا أول الناس اللي تساعدكم ومالنا فضل ولا منة بهالشي بلعكس هذا واجبنا ..

احنا بنساعد حالنا لما نساعدكم لانكم انتم منا وفينا واللي يقول غير هالكلام مايمثلنا ولا يمثل ابناء الجزيرة آبداً ..

انا اتضايقت كثير لما شفت حكيك البارح .. ياقلبي لو وحده غلطت بحقك مش معناه اننا كلنا سيئين , البعض منا بيخجلنا ونبرأ منه قدام ربنا ومن افعاله وتصرفاته ..

حبيبتي على قد ما اتضايقت منك البارح على قد ما نفسي ابوس راسك وامسح دمعتك , ولك يادبه انتي اختي وبنت بلادي :)

ياحبيبتي انتي الله لايفرقنا واحنا كلنا واحد .. انتو منا واحنا منكم

والله يجمعنا تحت رايه واحده وهي لا اله الا الله قريباً بإذن الله ..