[بنت الشام ..]

احــم احـم هيــني اجيــت ..



زغــردو ..



خلص بكفي زغــردة


المهــم انـأ بــزنس وومــان .. بدي اخلـص واروح اكمــل عندي كتيـر قضايا حلهـا




نبـدا على بــركة الله

يلا انبلّــش بأول ســؤال ..

Let's go ...

1.أي ساعــة بتستيقــظ أو بتصحى بالعربي من النــوم عــآدةً؟ طبعا بأيام الإجــآزة وأيــآم الدوآم ؟


ايـام المتيســة :: الساعة 6 الصبـح بعد العياط و شد الشـعر

ايام المو متيسة ( العطلة ) :: غالبا 11 الصبح


2. هـل تجــد وقتــآ لممارسة التمارين الرياضيــة الصبــآحية أو اللي هيي .. يعني بتلعبو ريــآضة بيومكم العادي ولا لأ ؟


خليــها على اللهـ ..



3.ما هــي الأوقات المناسبة برأيك او اللي انت بتــقوم بالعنــآيةبنظافتـك الشخصيــة او شغل الأناقة وهيـك يعني .. ؟


مممم مافهمتو كتيــر ..

النظافة الشخصية .. شو قصدك ولي شو شايفتيني شــرنة

يختي انا بهتم بنظافتي الشخصية ايفري داي ، ايفري اور ، ايفري سكند ، ايفري مومنت ..


الاناقــة .. كمان كيف يعني .. الكشخة يعني .. ؟

اكتر الشي وقت الطلعات والعزايم .. وبالبيت الكشخة عليها العوض



4. هــل تنام في النهــآر بعد العمــل أو المتيســة اللي لا يرجع أيامها علينــآ أو الجامعــة طبعـــا ؟


ولي سـارقة كلمـة المتيسـة مني .. .. مابسمحلك تسرقي الفاظي الخاصة ,, والخاصة جــدا ..


بمـزح يمـا .. تفداتس تفداتس


اي وين كنـا .. اها بالعطلة بنمش بالمرة بالنهار ..

اما اوقات المتيسة بنام ساعة او ساعتين بالكتيـر ..


5. هلأ ازا بتنام كم ساعة يأخد زلــك من وقتـــك ؟


حكيـنا بالسؤال الي قبـلو .. ماعندي وقت عيــد وزيــد ..!!


6. متــى بتفضل مشاهدة التلفـــآز ؟ تلفاز يعني تلفزيون أو T.V ؟


اهاا التي في .. ماعندي وقت محدد .. انا وياه مش صحبة كتيـر ..

بتفرج عليه بعـد الغدا ولمن بتـكون العيلة ملتمة ..



7.أي نوع من البــرآمج بتستهويــك لما تفتــح التلفزيــون ..بتستهويـك يعين بتحضرهــآ ؟


بتســتهويني .. مممم .. في الجزيـرة الوثائقية بتطلع افلام مرتبـة وحلوة

وكمان الجزيرة للاطفـال .. الووو مرحبااا << مو لله بتفرج عليه


وفي هلأ مسلسل عم تابعـو " بكرا احلى " .. كسمووو


8. ما انو كل واحد رح يتورط يعني عندو نــت أو Net .. في أي وقت تدخــل الشبكة العنكبوتيــة عــآدةً؟

زكيـة كيف عرفتي انو عنا نت


بدخـل بكل وقت فاضيـة فيه .. يعني تقريبا دايما ئاعدة عليه ...



9. كم من الوقــت بتمضي وانت ع النــت ؟

والله ماجربت حسبتها .. بس ايام التوجيهي كنت مازيـد عن الـ ساعتين ..


بس هلأ بالعطلة .. بعتئد حتكون من الـ 4 ساعات وفوق


10. ما هي أكتر المواقع اللي بتــزورها وانت قاعد ع النت [ مواقع ترفيهية .. تعليمية .. أخبار .. منتديات .. فيس بوك ويوتيووب ومواقع زي هيــك ]؟


اول الشي ما بينفع اقعد على النت .. بينكســر

مواقع ترفيـهية . مابدخل .. شو بعرفني ..

تعليمية .. في bbc بتعطي دروس انجلش مرتبـة ..

اخبـار .. شاطفة عليه .. عنا التلفزيون 24/24 اخبار .. كمان بدي حط النت اخبار

منتـديات : شباب فلسطين .. ماعندي غيـرو

فيس بوك .. مسجلة فيه بس ما بدخله كتير

يو تيـوب .. مسجلة فيه بس ما بدخله كتير


11. ع المســنجر .. هــل تخذ محادثات المسنجر الجزء الأكبر من وقتــك ولا العمل اللي داخـل عشانهـ ؟

عمــل شو يـامآآن .. يعني صحيح انا بزنس وومـان .. بس وقتي الاكبـر على المسنجر ..


12. هلأ للطشــآت والطلعات والنزلات .. في أي وقــت اللي بتفضل فيـه الخروج مع صحــآبك او صاحبــآتك يعني بــره البيت .. أو استقبالهــم جوات البيــت أو زيارة حدا من قرايبــك ؟


صاحباتي مابطلع معـون لمكان .. شو هاللزقة بالمدرسة وكمان بالطشات .. اي شو ماني شايفة على شاكلتون انا

الطشات ماكتير منطش وين بدنا نطش ياحصـرة


الطشات الحقيقية في SYRIA هـونيك عنا البيت فقط للنـوم

وعلى فكـرة الاربعاء الجاي بكون بسـوريا


13. شو هو الوقــت المفضل للجلوس مع العيلــة ؟ ولا ما في وقت محدد ؟


الوقت المفضل وقت السـهرة .. وقت الاكل ..


14. هل تصلــي الصلاة المفروضــة عــآدة بعد الأدان مباشرة ؟ بعدو بشويــة .. ولا قبل الأدان التاني ؟ ولا ما بتصلي بالمــرة ؟

ممممممم بصـلي بعد الادان بشي نص ساعــة


15. ما هو الوقـت المناسب لتناول طعام الغــدآ والفطــور والعشــآ ؟

وقت بنحط الاكل ..

16. هــل تجد وقتــآ لقرآة الكتــب أو المجلات المفيــدة أو المش مفيــدة ؟


القـراءة بالنسبة الي عـزاب .. مابحب القراءة .. بطفش بسـرعة .. حتى لو موضوع بحبو

ما قلتلك انا بزنس وومان ما عنـدي وقت


17. ما هو الوقـت المناسب لزآلــك ؟


مافيــش .. بزنس بزنس شيـه


18. متــى آخر مرة قرأت فيهــآ كتاب اللهـ [ القرآن الكريــم ] وشو هيي الأوقات اللي بتفضل تقرأ فيهــآ قرآن ؟

اخـر مرة .. امبارح صلينا ودعينا ربنا يوفقنا بهالاختبار المنيـل

الله يستـر من النتيـجة


19. هل تعــآني من أوقات فرآغ في يــومك ؟

نــو .. بزنس بزنس


20. كيف يمكنك مواجهـة الملل ازا ما كان في اشي يشغل وقتــك ؟؟

مممم ازا حصل ودخل الملل .. بئعد على النت .. برتب خزانتي وبكتشف شغلات جديدة .. بسوي اشي حتى لو بدي العب باصابيعي


21. في أيــآم الدراسة ... ما هو الوقت المفضل للدراســة؟

اي وقت بتكون الشمس فيه طالعة .. مابعد ذلك .. بحس مخي سمك


22. هل ترى يومك مثاليا ... ام تحاول التغيير فيـه وشو هيي التغييرات اللي بتتمنى اتسير فيــه؟

لالا ابـدا مو مثــالي .. وبحب غيــر كتير شغــلات ..


نفسي يكون عندي هواية بمعنى هـوايــة ..


او امارس شي رياضـة .. بس المشكلة هـون بالسعودية مافي مجال لاطلاق الطاقات ...


23. هل انت ممن لديهم سلم اولويات بحياتهم .. يني كل شغلة حسب اهميتها ولا إهمال × إهماال ؟

اكيــد في ســلم اولويــات .. يعني عندي تيـاسة .. مستحيل تشوفيني على النت .. حتى لو شو مااكان .. يعني هيك شي ..

ماكتيـر مهملة انا .. بس شوي


24. آخر سؤآل ..بــأي ساعة بتنام بأيام العطلة وأي ساعة بتصحى ؟

ايـأم العطـلة بنام .. شي السـاعة 3 .. وبصحى عالـ 11


انتهــى التحقيــق .. >>>بس في سؤال طــآر


اهــا انا بجبـلك سؤال من عنـدي ..


ماهـي الاكلة المفضـلة لديـك ؟؟


جهـزي اصابيع ايديكي ورجليكي ..


محشي بانواعه .. كبة بانواعها .. تبولة .. يبرق .. يلنجي .. بيتـزا .. مقلوبة

فتة حمص .. فتة مكدوس .. كبسـة .... كفتـة ( المصرية ) ... ... الخ




هـذا كان كل اشي ..


بتمنـى ان تـكــون اجوبتـي انالت اعجابـكون .. ولي ما عجبـتو بالناقص


بمــزح


ارق تحية