رد: امريكيا واسرائيل .. عم بتساعد غزة .. للإنتصار على اسرائيل وامريكا .. شوف بنفسك
مرحبا
اول شي اقبلوني عضو جديد واقبلوا تعليقي
ثاني شي ،
يهود السامرة اللي موجودين بنابلس عايشين ولا بيوم تأذينا منهم ، ورد على المراقبة العامة ، انو لو ما صدقتي اليهود ان بدهم مصلحتنا ، وهذا شي اساسي لأنهم بيدوروا على مصلحتهم ، في معتقدهم انو فناء اسرائيل قرب ، والدولة الصهيونية بتسرع بهذا الشي ، مشان هيك بدهم نقضي على الدولة الصهيونية ، مش عارفين انو احنا غنم .
قبل حوالي 8 سنوات حضرت مؤتمر لمناهضة الصهوينية كان مشترك فيه بيير غاييم صاحب دار النشر اللي نشرت كتب جارودي. كان الو محاضرة بعنوان : دور العرب والمسلمين في توعية الاروبين تجاه المحرقة وموضوعها ، وكان بيحكي بفكرة انو اليهود اللي قتلوا المسيح ، وفق عقيدتهم ، نزّلوا المسيح عن الصليب ورفعوا الهولوكوست .
الجانب الثاني اللي بدي احكي فيه عن شو المفروض مشعل يعمل : يعني غريب انو الفارس حط الخبر الثاني وما علق عليه انو وافق على دولة فلسطينية بحدود 67 ولاجئين وقدس عاصمة ، يعني هذا حكت فيه منظمة التحرير من 1974
وحماس كانت تنتقده ، وما عندها مشكلة بالاعتراف حاليا ، هذا حسب الخبر الي اورده الفارس .
وما جرنا للي احنا فيه غير الادعاءات والسياسات اللي ما الها منطق ، فقط منطق المخالفة وتكفير المقابل مين ما يكون .
|