[مغرمة فلسطين]

عن جد حفلة جميلة مالص مالص

فديتهم كتاكيت سلميلي عليهم و على أبلتنا ميمي كمان

لا و الأحلى انو الأشعار تعت الست ميرا اغاني

يعني بهالعمر و بتسمع للوسمي و كمان اللي بغني راعي الدلع بعرفش شو اسمو

ولا خيال رشوود الواسع ما شاء الله عليه امو سوبرمان عن جد خطير هالولد

ولا ناصر التوحفة الختيرة

آه صح انا لاحظت بالامارات انو في كتير تمييز بين الوافد و المواطن و هادا الشي الوحيد المو حلو فيها مع انو شعبها طيوب و بنحب و قلبو ابيض زيك يا قمر ^^

زكروني بشي من طفولتي الختيرة

احم احم اسمعي الكصة عمتو بستوتة و ابلة مييمي

اول شي كنا بغزة و تحديدا بأرض النا برفح مع انو احنا بيتنا اللي عايشين فيه بخانيونس ما علينا المهم كان وقتها صيف و الناس جاده اللوز طبعا الكلمة جاده بمعنى مقطفيننو و لامينو و ناشرينو بالشمس علشان ينشف

طبعا انا كنت ايامها مع بابا و ماما و سيدو و ستو الله يرحمهم بتفسح برفح و كان عمري 5 او 4 سنوات ^^

المهم لا نخرج عن نطاق كصتنا الختيرة

عاد انا معروفة في العيلة بلساني اللي متبري مني من صغري

طيب كانو ناشرين شرشفين على الأرض و عليهم لوز واحد منهم كان لوز سيدو الله يرحمو و واحد لوز بابا

طبعا انا رحت زي الشاطرة على واحد من الشراشف اللي منشور عليها اللوز بنص الأرض و كبشتلكو هديك الكبشة طبعا لا من شاف ولا من دري و احطلكو اللوز بهالتنورة و اشيلها و اجري

وا كتشفلكو انو زرقاء اليمامة سيدي الله يرحمو كان بيراقب كل حركاتي و انا قاعدة بسطو على اكوام اللوز

نادى عليي طبعا و انا متلبسة في الجريمة و قالي يا بنت تعالي هين ليش سارقه من لوزي

الا انا بطوله لساني شو بقلو هادا مش من لوذكو من لوذنا هع هع هع هع

طبعا سيدي سخسخ من الضحك على طولة لساني و دهائي الشديد

و بس سلامتكو

ان شاء الله انبسطتو على هبلي

المهم

استمتعت كتير هالكصة الرائعة التوووحفة

فديتك انتي و الأبلة و راعيين الترف

الله يعطيكي العافية ^^