رد: ياترى من المسؤول في انحراف البنات ؟؟
مرحبـــــــا
اول شي بحيك على الطرح
لكن من بعد اذنك عندي اعتراض صغير على العنوان
لكن ماعلينا
//
انحراف البنت ،،
اول شي لازم نحط معيار محدد ،، نقدر نحكم على اساسو اذا هالبنت منحرفه او لا
يمكن البنت الي انا بشوفها مش منيحه انتي تشوفيها انسانه عاديه
ازا جينا نحدد الاسباب الي بتأدي للانحراف حنلائي انها اسباب كتيره
لكن على سبيل المثال لا الحصر راح اذكر البعض منها ::
اول شي الاهل ،، الي بتقع على عاتقهم مسؤليه التربيه والتقويم والرقابه
دور الاهل مابيتوقف عند حد معين ،، ودور الام والاب اسمى من انهم بس يأكلو ولادهم ويهتموا بلباسهم وشكلهم ودراستهم ،،
لما الاب يقتصر دوروا على انو اله صراف ،، مهمتو الوحيد بس يوفر المال لأولادوا ،، ويلغي كيانه وشخصيته كأب ومربي
ولما الام تختصر دورها كأم ومعد اجيال بدور ممكن تقوم فيه اي ( خادمه ) _ عذرا على التعبير _ اكيد راح يعيشو الاولاد بحاله تخبط وضياع
السبب التاني // ضعف الوازع الديني ،، وهالسبب بيرتبط بشكل مباشر مع السبب الاول
لان الاهل هم المسؤلين عن تنشأه اولادهم نشأه دينيه
السبب التالت اصدقاء السوء ،،، متل مابنعرف الصاحب ساحب ،،، والبنات بعمر معين بيتأثروا ببعض وبيسمعوا من بعض
السبب الرابع // الاعلام ،، والانفتاح الي بنعاني منو في بيوتنا ،، الفيديو كليب والبرامج المخله بالادب والمسلسلات التافهه بشكلها ومضمونها
والاسباب كتير طبعا
بالنهايه البنت متل الورده تمام ازا وجدت رعايه واهتمام وحنان وعطف واحتواء حتكون اجمل زهرة متفتحه
وازا ماوجدت اي شي ،، راح تكون ورده مليانه شوك
//
شكرا حبيبتي واعذريني على الاطاله
|