[مآهينآز]

كان عندى امتحان انهاردة

أول مرة فى حياتى كلها اشوف امتحان بالطول ده خمس اسئلة نختار منهم اربعة

وكل سؤال فيه خمس نقط وكل نقطة عاوزة اقل حاجة صفحة ونصف للأجابة

لا ورق الاجابة يكفى ولا حتى الوقت يكفى .. ده غير ان الاسئلة صعبة ورخمة

لا والعميد اللى هو دكتور المادة بسلامته كان بيمر على اللجان

الطلبة اول ما شفوه كلهم فى صوت واحد ][ حسبنا الله ونعم الوكيل ][ فى وشه

مبقتش عارفة اضحك على اللى بيحصل (الطلبة اتجننوا يا عينى) .. ولا ابكى على حالنا

فعلاً حسبنا الله ونعم الوكيل فيه فى الدنيا كلها حد بيمتحن العصر وكمان الامتحان مدته 3 ساعات

وجايب امتحان اقل شيئ علشان يتجاوب 5 ساعات

وفى الاخر زود نصف ساعة على الوقت لا والله كتر خيره .. ومش مهم بقى نروح امتى !

يلا الحمد لله على كل حال

ربنا يستر اللى جايه شريعة .. اصعب واصعب ~