[هادي]

تسلم سامي .. فعلاً يستحق التثبيت ..
رح احكي عن تجربتي بالتدخين ..
الحمد لله صارلي أكتر من شهرين تارك الدخان .. ومش بالتدريج .. (هيك خبط لزء) مره وحده قررت إني أترك الدخان .. مع إني كنت بآخر فتره بدخن بكيتين ونص يومياً ومش (لايت) .. هلأ طبعاً أول كم من يوم صعبات شوي .. بس عادي ( زي رمضان)، وبكل بساطة المسألة بنظري مش إراده .. المسألة إنو إللي بيدخن مبسوط عالدخان .. (بعيّشو بجو حلو) خاصةً مع القهوه .. أو بعد الأكل .. أو بسهره، (يعني حاجه أنا مبسوط فيها .. ليه اتركها؟؟) .. يعني إللي حابب يترك التدخين بيتركوا لما يقتنع إنو يتركو .. مش أكتر من هيك ...
بس الأكيد إنو لما تركت التدخين شعرت بالفرق للأفضل بكل شي .. حتى نفسياً .. شعور رائع (الإنتصار على النفس) ..