عرس حبيبتي! الى محمود
دق الجرس قلتللن اكليل مين وعملت حالي بعرسك ما معي خبر
والناس شو همن مش عارفين انك بقلبي المبتدا وانت الخبر
وطويت ليالي الماضي الياسمين و بكيت مستقبل شبابي المنتظر
وكبست على الجرح اللي الو سنين عمبيحفر بقلبي و يزرع ابر
ولما قبال المذبحة حلفت اليمين و قلتي نعم:الحكم بامرك صدر
صارو ينقلو المحابس للشمال عن اليمين اخر امل قدام عيني انتحر
والطرحة البيضاءاللي عليها الياسمين صارت شبح اسود قدام عيني ظهر
رجعت للتذكار مع قلبي الحزين اراجع قصائد قيس بليالي السهر
مطرح ما كنا للهوى ننصب كمين و نسقي الحجر بدمعنا الغالي عبر
فتشت على النسيان تالغطة تلين عيوني ما شافو من النوم الا السهر
و بلمحة لغفران بين العاشقين بصبر انا, ايوب من قبلي صبر
و بدعي لرب العالمين اللي بفراقنا امر
انشاءالله السعادةترافقك من كل حين و لو الغفران عبالك خطر
و جعت تزوري صومعة شاعرسجين حتلاقي قلب مقطوع الوريد
و صورة صغيرة الك فلسطين عليها انحفر
|