[السيف عدي]

1) هل ترى وجود فرق بين الوقت الحالي وقبل 8 سنوات في التربية وطريقة اللبس وعاداتنا وتقاليدنا ؟

بشكل عام .. نوعا ما في اختلاف في منهجية التربية والتوجية من الاهل تجاه الاولاد .. بعد العولمة والنت والمدارس الاجنبية والمناهج اللي بطرحها .. صار فيه تفهم اكتر وايجابية اكتر من ناحية الاهل للاولاد .. اعتقد انو المساحة بين تفكريهم صارت اضيق بس برضة ما بقدر اعمم هالشي على الكل لانو بضل في اهل ما عندهم اطلاع وادارك وتعليم متساوي مع الطبقات التانية في المجتمع وهالشي باثر بشكل كبير على نوعية تربيتهم والاسلوب اللي بتبعو في التربية والتوجية.

2) ماذا يمكنك القـول لوالدك ولوالدتــك .. بخصوص طريقة تربيتهم لك وتفكيرهم ؟

بالنسبة لئلي طبعا انا تجاوزت هالمرحلة بس صدقا ماما دايما انسانة متفهمة وعلى درجة من الوعي والايجابية معنا.

3) الزواج .. ومسئولياته !! هل يشغل بالك هذا الموضوع ؟ ومتى تبدأ بالتفكير بالزواج والاستقرار ؟

الزواج شيء اساسي في حياة اي انسان .. ومرحلة فطرية طبيعية .. واي شي في الدنيا لئلو ايجابيات وسلبيات ومسؤوليات بتترتب عليه مش بس الزواج.. وكل انسان بختار شريك حياتة اللي بناسب افكاره وتوجهاته والامور التانية المترتبة على هاد الاستقرار بتكون نسبية وبتختلف من زوجين لغيرهم.

4) هل من المهم أن يزيد الشاب من اهتمامه بمظهره وبملابسه ؟ وماذا يعني لك المظهر الخارجي ؟

طبعا مهم .. بس بحدود يعني المبالغة بيكون منظرها مش حلو للشب

5) ماهو أكثر شيء تخشــاه بالحياة ؟

عدم السعادة لاي سبب ..

6) ماذا يعني ( المستحيل ) بالنسبة لك ؟

المستحيل موجود .. بس المستحيل شيء نسبي بختلف من شخص لشخص .. بناء على قدراته الذاتيه ..ومعتقداته ومجتمعه ..

7) ماهو الشيء الذي ترغب بفعله .. ولكن العادات تحول دون فعلك له ؟

انا دايما بحب اعمل اللي بدي اياه سواء كان مخالف للعادات او لا .. بحب يكون لئلي حياة مبنية على تفضيلاتي وافكاري ورغباتي بغض النظر عن مدى قبولها من المجتمع او لا .

8) ماهو أكثر شيء ندمت عليه .. ولو بيدك الأمر لقمت بتغييـره ؟

اشياء كتير .. الانسان كل ما بكبر في العمر بزيد نضج وتروي واحيانا بتطلع للماضي وبحب يغير فيه .

9) ما الذي ترغب بتحقيقه عل مستوى وطنك والنــاس ؟

ياريت الوطن يتحرر وتصير الحياة طبيعية وكلها سلام ..

10) هل تتخيــل حياتك بدون موبايل .. سيارة .. طلعــات ؟

اكيد لا .. احنا تعودنا على هالاسلوب في الحياة.

11) برأيك ماهي الصفات التي تمتاز بها المدارس الحكومية عن المدارس الخاصة ؟

انا بفضل المدراس الخاصة والمدراس الاجنبية لانو جودة التعليم بتكون فيها مرتفعة ونوعية .

12) ما الذي يميـز الفتاة ببلدك ((على حسب جنسيتك)) عن غيرها ؟

الصبية الفلسطينية بتتميز انها معتدلة في كل شي .. وعندها كرامة وصعب تقبل تنازلات بسهولة . ..

يسلمو كتير بنكـءـ روز .. على اسئلتك وما تحرمينا من الطلات دايما ^_^ ..