[فلسطينيه والراس مرفوع]

~

إجــى دوري لأعرفكــم بمدينـــة جنيـــن

أحلــى مدينة بالدنيــآ كلهــآ ... من وجهــة نظري

~

بالبــدآية خليني أعرفكم بموقعها وإعرابها من هالعــآلم الكبيــر هاادهـ

جغرافيــآً:

جنيــن بتوقع .. أو تقع بالعربي الفصيــح

بفلسطين ... .. بأقصــى شمـــآل الضفة الغربية المحتلـــة ...

من الشمــآل بتشترك بحــدود مع فلسطين ال48.. النــآصرة وحيفـــآ

بالجنــوب مع نــآبلس . وبالشــرق مع طولكــرم .. ومن الغــرب أريحــآ وطــوبــآس وبيســآن

فلكيــآً:

خط العرض 32,28 خط الطول 35,18
32°28' شمالا 35°18' شرقا

عرفتــو وين موقعهــآ بالزبط ..

هلأ نيجي لسبب التسميـــة ...

جنيــن من اسمهــآ .. معنــآه الخضــرة والجنــآئن والشجر ..كــان اسمها زمان أيـآم ما اتأسست زمن الكنعانيين .. (عين جانيم) ...

.بردو معنــآه هيــك بس مع التحريف وعوامل الحت والتعرية الاسم صار جنيــن ..

طبعا هيي أيــآم زمان كانت مشهوورة بالجنائن اللي فيهــآ .. بس هلأ ما ابعرف شو صار .. بطلت زي زماان .. ونبع المي اللي كان فيهــآ نشف .. الله يرحم أيــآم ما كان نبع مي تحتهــآ .. :B:

المهم انو هاد سبب التسميــة ..

ومن أهم الأشيــآء اللي بتميزها عن غيرها من مدن الضفة .. انو فيها سهل مرج ابن عامــر .. سهــل كبير وواسع وحلــو .. بزرعو فيه اشياء اكتييير .. وهو من أهم مواطن الزراعة بالمحــآفظة ~

نبــذة عن مدينــة جنيـــن :-

هيي مدينة واقعة زي ما حكيت اول اشي .. بأقصى شمال الضفـة شمال نابلس .. مساحتها 583 كم وبتشكل نسبــة 9.7% من مساحة الضفة الغربية .. تأسست على ايد الكنعانيين (أجدادنا يعني) سنـة 2450 ق.م ..
عدد سكانها :حوالي 46000 نسمــة .. منهم 12000 بالمخيــم (مخيم جنين يعني ) ..
وفيها كمان شغلة حلوة ومميزة انو(يعتبر غالبية سكانها من المتعلمين والمثقفين وذوي الخبرات والشهادات العالية في الداخل والخارج) مش من عندي هاد الكلام .. =)
في جنين كمان أقلية مسيحية ... ومعظم المسيحية تجــآر ومن أغنياء البلــد ..
ورد اسمها بكتيير حضارات منها المصرية القديمة والآشورية والبابلية بالعرآق

~

شو ضل ما حكيناه عن جنيـــن ؟؟