اول اشي يا بطة انا ما تعبت ولا اشي بالعكس انا حابة اني افيدكم برأيي وانشالله تزبط معكم وتهدوها لهالبنت يعني احنا بنعمل ايلي علينا والباقي على رب العالمين هو بيهدي من يشاء
المهم انتي حكيتي انو ما حدا من أهلها بيصلي طيب حبيبتي هاي مش قضية يعني صح انو الها عامل كبير عشان البيئة ايلي هيا عايشة فيها بس برضو يعني انا بعرف بنت كانت امها وكل خواتها ما بيحطو حجاب وهيا الوحيدة ايلي حاطة حجاب بأهلها
وحكيتي كمان انو هيا دايما اغاني ومسلسلات طيب انا برأيي هادا اشي طبيعي لانو بهالعمر بتصير اهتمام الصبايا غالباً بهيك شغلات لكن المهم هلا الصلاة وشوي شوي بتتعود وبتصير الصلاة من جدول اعمالها اليومية بس بدها طولة بال ومن غير عصبية عشان تستوعب بقلب صافي من غير ما تسايركم عشان وجودكم وإرضائكم بس ،،،
وبالأخير بحكي الله يهديها ويوفقكم وما تيئسوا منها
تحياتي ،،،